आशाताई बच्छाव
भाजप साठी जालना विधानसभेची जागा मिळणेसाठी प्रयत्न करणार
जालना विधानसभा भाजपा बहुमताने जिंकणार
-माजी केंद्रीय राज्यमंत्री श्री.रावसाहेब पाटील दानवे
जालना (प्रतिनिधी दिलीप बोंडे) जालना विधानसभेची जागा भाजपकडे मिळण्यासाठी भाजपा कार्यकर्त्यांच्या व पदाधिकारी यांच्या भावना लक्षात घेऊन प्रदेश भाजपाकडे प्रयत्न करणार असून जालना विधानसभेची जागा भाजप बहुमताने जिंकणार असल्याचे मत माजी केंद्रीय राज्यमंत्री रावसाहेब पाटील दानवे यांनी भाजपा महा कार्यकर्ता मेळाव्यात बोलताना जालना येथे व्यक्त केले.
जालना येथे भाजपाचा महा कार्यकर्ता मेळावा व सदस्यता नोंदणी अभियान हॉटेल गॅलेक्सी येथील गोकुळ लॉन्स येथे संपन्न झाला यावेळी माजी केंद्रीय राज्यमंत्री रावसाहेब पाटील दानवे हे पदाधिकार यांना मार्गदर्शन करताना म्हणाले की, जालना विधानसभेमध्ये भारतीय जनता पार्टीची ताकद आहे त्यामुळे भाजपा पदाधिकारी व कार्यकर्त्यांच्या पाठीवरच जालना विधानसभा भाजपा लढविल्यास भाजपा उमेदवार मोठ्या मताधिक्याने निवडून येणार आहे. जालना शहरासाठी व ग्रामीण साठी अनेक विकासाचे योजना राबविल्या व 200 कोटी रुपयांचे जालना रेल्वे स्टेशन व 300 कोटी रुपयांचे छत्रपती संभाजीनगरचे रेल्वे स्टेशनचे काम चालू आहे.
माजी मंत्री असताना जालना लोकसभा मतदारसंघात 600 कोटी रुपयांचे सिमेंट रस्त्याचे कामे केली असून अनेक विकास प्रकल्प जालना शहरात मंजूर केले आहे केंद्र व राज्य शासनाकडून एका कुटुंबाला पीएम,सीएम किसान योजनेचे वार्षिक 12 हजार रुपये, महिलांना वार्षिक लाडकी बहीण योजनेचे 18 हजार रुपये, असे ३० हजार रुपये वर्षाला एका कुटुंबाला केंद्र व राज्य शासनाकडून अनुदान मिळत आहे.