आशाताई बच्छाव
जि.प.प्रा.शाळा निवडुंगा येथे दिलीपभाऊ वाघ यांच्या हस्ते बोरवेलचा लोकार्पण सोहळा संपन्न
तालुका प्रतिनिधी जाफराबाद-मुरलीधर डहाके
दिनांक 06/ 10/2024
जाफराबाद तालुक्यातील जिल्हा परिषद प्राथमिक शाळा निवडुंगा येथे श्री दिलीपभाऊ वाघ यांच्या दातृत्वामुळे शाळेतील बंद पडलेल्या बोरवेलमध्ये एक एचपीची मोटार, 300 फूट वायर, 300 फूट पाईप व एक स्टार्टर एवढ्या संचाचे लोकार्पण आज दिलीप भाऊ वाघ व शिवव्याख्याते कृष्णा इंगळे यांच्या प्रमुख उपस्थितीत करण्यात आले.
यावेळी मनोगत व्यक्त करताना यांनी जीवन हे लोकसेवेसाठी अर्पण करावे व आपल्या मिळकतीचा काही हिस्सा समाजासाठी खर्च करावा असे प्रतिपादन केले तसेच भविष्यात काही गरज लागल्यास ती मदत करण्याचे आश्वासन दिले यावेळी केंद्रप्रमुख मांटे व गावातील विविध नागरिकांनी आपले मनोगत व्यक्त करून दिलीपभाऊ वाघ यांचे आभार मानले. यावेळी किरण ऍग्रो कंपनी तर्फे विजय जगताप यांनी सर्व विद्यार्थ्यांना प्रती विद्यार्थी एका ड्रेसचे वाटप कंपनीतर्फे करण्यात येईल असे आश्वासन दिले. या कार्यक्रम प्रसंगी पत्रकार चंद्रकांत पंडित, डोणगाव केंद्राचे केंद्रप्रमुख गजानन मांटेसर,सरपंच प्रकाश झिने, ग्रामपंचायत सदस्य बद्रीभाऊ जगताप, बळीराम जगताप, प्रल्हाद जगताप तसेच बाबासाहेब जगताप,शालेय व्यवस्थापन समितीचे अध्यक्ष गणेश जगताप, गजानन वाघचौरे, कैलास तायडे, बालु जगताप, बाबासाहेब महाराज, शिवाजी जगताप, भागवत जगताप ,राजेंद्र जगताप ,सुनील जगताप, कडुबा जगताप, सुरेश जगताप, सुदाम वाघचौरे ,उत्तम जगताप, सुदाम बंगाळे इत्यादी प्रतिष्ठित नागरिक उपस्थित होते. कार्यक्रमाचे सूत्रसंचालन गणेश उगलमुगले यांनी केले.कार्यक्रमाच्या यशस्वीतेसाठी शाळेचे मुख्याध्यापक रामेश्वर राठोड, नवनाथ शिंदे,पुष्पा आघाव,संभाजी चाटे,सुभाष मांटे आदींनी प्रयत्न केले.