आशाताई बच्छाव
जिल्हा परिषद केंद्रीय मराठी उच्च प्राथमिक शाळा शेळगाव आटोळचे विद्यार्थी देशपातळीवर पोहोचवणार -मधुकर सुरडकर मुख्याध्यापक
प्रतिनिधी जालना-वसंतराव देशमुख
दिनांक 03/10/2024
याविषयी सविस्तर माहिती अशी की, जिल्हा परिषद आदर्श केंद्रीय मराठी उच्च प्राथमिक शाळा शेळगाव आटोळ येथील सेवा जेष्ठ शिक्षक श्री यु .टी. परिहार सर यांनी आपल्या अनेक वर्षांच्या दीर्घ अनुभवानंतर शेळगाव आटोळ येथील इयत्ता चौथीतील बहुतांश विद्यार्थ्यांचे बॉडी पार्ट्स पूर्णपणे तोंड पाठ करून घेतले. त्याबद्दल यु.टी.परिहार सरांचं आणि विद्यार्थ्यांचे मुख्याध्यापक श्री मधुकर सुरडकर सर यांनी भरभरून अभिनंदन केले.जिल्हा परिषद केंद्रीय मराठी उच्च प्राथमिक शाळा शेळगाव आटोळ हि बुलढाणा जिल्ह्यातील आदर्श शाळा म्हणून निवड झालेली शाळा आहे.या शाळेतील सर्वच शिक्षक आपल्यातील असलेले कलागुण विद्यार्थ्यांमध्ये बिंबविण्याचा प्रामाणिकपणे प्रयत्न करीत असतात.विशेष म्हणजे रविवारी व सुटीच्या दिवशीही या शाळेचे मुख्याध्यापक व शिक्षक अतिरिक्त शिकवणी वर्ग घेऊन विद्यार्थ्यांना प्रत्येक विषयात पारंगत करण्यासाठी मेहेनत घेत आहेत.सुटीच्या दिवशी शाळा भरविण्यात येणारी हि एकमेव शाळा आहे असे म्हटले तर वावगे ठरणार नाही.शेळगाव आटोळ येथील जिल्हा परिषद केंद्रीय मराठी उच्च प्राथमिक शाळेचे विद्यार्थी देशपातळीवर आपला ठसा उमटवितील यासाठी आम्ही सर्व शिक्षक प्रयत्न करत असल्याचं मुख्याध्यापक मा.मधुकर सुरडकर सर यांनी सांगितले आहे.यावेळी श्री यु.टी.परिहार सर व इतर सर्व शिक्षकांचे मुख्याध्यापक श्री सुरडकर सर यांनी अभिनंदन केले.