आशाताई बच्छाव
खळबळ ! विवाहीत महिलेवर धारदार शस्त्राने वार .. महिला जागीच ठार ! संशयीत पतीला पोलिसांनी घेतले ताब्यात !
युवा मराठा न्यूज बुलढाणा जिल्हा ब्युरो चीफ संजय पन्हाळकर
बुलढाणा :- साखरखेर्डा घरगुती कारणावरून पती पत्नी मध्ये झालेल्या भांडणातून पतीने पत्नीवर चक्क धार धार शस्त्राने वार करुन ठार मारल्याची घटणा लोणी येथे आज २७ सप्टेंबर रोजी दुपारी घडली. पोलिसांनी पतीस ताब्यात घेतले आहे .
लोणी (लव्हाळा) येथील नंदकिशोर देशमुख (इंगळे ) आणि पत्नी प्रगती नंदकिशोर देशमुख हे दोघे राहातं होते. त्यांना दोन मुले आहेत. २७ सप्टेंबर रोजी किरकोळ कारणावरून पती पत्नी मध्ये वाद झाला. हा
वाद टोकाला जाऊन नंदकिशोर देशमुख यांने धार धार शस्त्राने वार करुन प्रगती हिला ठार मारले. ही वार्ता गावात पसरताच पोलीस पाटील यांनी उपरोक्त घटणेची माहिती साखरखेर्डा पोलीस स्टेशनचे ठाणेदार गजानन करेवाड यांना दिली. त्यांनी तातडीने घटनास्थळी धाव घेऊन पती नंदकिशोर देशमुख यास ताब्यात घेतले. मृतक प्रगती नंदकिशोर देशमुख हिचा पंचनामा करून मृतदेह उत्तरीय तपासणीसाठी मेहकर येथील ग्रामीण रुग्णालयात पाठवण्यात आले. मृतकाच्या नातेवाईकांना साखरखेर्डा पोलीस स्टेशन मध्ये तंक्रार देण्यासाठी बोलावले असून त्यांच्या तंक्रारीनुसार पुढील कारवाई करण्यात येईल असे ठाणेदार गजानन करेवाड यांनी सांगितले.
