आशाताई बच्छाव
फार्मसी कॉलेज ने राबविले स्वच्छता अभियान
वाशिम,(गोपाल तिवारी ब्युरो चीफ):- आज दिनांक २४/०९/२०२४ राष्ट्रीय सेवा योजना दिना निमित्त श्रद्धा इन्स्टिट्यूट ऑफ फार्मसी कोंढाळा झांबरे वाशिम येथील राष्ट्रीय सेवा योजना पथकाच्या वतीने वाशिम येथील मुख्य बस स्थानक येथे स्वच्छता अभियान राबवण्यात आले.
या अभियानाला संस्थेचे संस्थापक डॉ . रामक्रिष्ण शिंदे साहेब , सौ.सुनिता ताई शिंदे व महाविद्यालयाच्या प्राचार्य डॉ.स्वाती देशमुख मॅडम यांचे मार्गदर्शन लाभले. तसेच या अभियानाला राष्ट्रीय सेवा योजनेचे कार्यक्रम अधिकारी प्रा. विनायक काटेकर सर व महिला अधिकारी प्रा. मानसी.चौधरी मॅडम यांचे सहकार्य लाभले. या दरम्यान वाशिम बस स्थानकावर स्वच्छता करून प्रवाशांना स्वच्छतेचे महत्त्व पटवून दिले. या कार्यक्रमाचे आयोजन अक्षय शामसुंदर राष्ट्रीय सेवा योजना संयोजक व कुमारी रश्मी गडलिंग राष्ट्रीय सेवा योजना संयोजक यांच्यावतीने करण्यात आले.
तसेच या कार्यक्रमाला पथकाचे विद्यार्थी ओम खेडकर , प्रणव बेलोकार, मयूर नंदेश्वर,आनंद मस्के, बालाजी तडस ,शशांक, काकडे,कु. आकांक्षा सोनोने, कुमारी साक्षी बघमारे, कु. दिपाली काळे असे अनेक विद्यार्थी उपस्थित होते.
