आशाताई बच्छाव
जानेफळ पंडित गावात रात्रीच्या वेळी ड्रोन कॅमेऱ्याच्या घिरट्या, नागरिकांमध्ये भीतीचे वातावरण
प्रतिनिधी जाफराबाद -मुरलीधर डहाके
दिनांक 14/09/2024
जाफराबाद तालुक्यातील जानेफळ पंडित गावामध्ये रात्रीचे वेळी ड्रोन न कॅमेरा घालत असल्याचे समोर आले आहे. त्यामुळे गावातील तसेच परिसरातील नागरिकांमध्ये भीतीचे आणि दहशतीचे वातावरण निर्माण झाले आहे. रात्रीच्या वेळी अज्ञात ड्रोन कॅमेरा गिरट्या घालत आहे. गावातील वेगवेगळ्या भागात रात्रीचे आठ ते नऊच्या नंतर एक ड्रोन कॅमेरा घिरट्या घालताना दिसतोय. ड्रोनच्या माध्यमातून चोरीसाठी चोर टेहळणी तर करत नाहीत ना ? असा संशय नागरिकांनी व्यक्त केला असून पोलीस प्रशासनाने आणि लोकप्रतिनिधींनी तातडीने लक्ष घालून बंदोबस्त करावा अशी मागणी नागरिकांकडून केली जात आहे. गावात अशाच पद्धतीचे ड्रोन घिरट्या घालत होतं त्यावेळी गावातील तरुणांनी या ड्रोनचा काही वेळ पाठलाग केला नेमके हे ड्रोन कशाचे आहेत परंतु ड्रोन हाती आले नाही ते वारंवार गावात वरती घिरट्या का घालतात यामुळे नागरिकांमध्ये संभ्रम पसरला आहे. अफवा मोठ्या प्रमाणात होत आहे. गावातील नागरिक रात्र जागून काढत आहेत. गावातील नागरिक यांनी स्थानिक जाफराबाद पोलीस स्टेशनला दूरध्वनी द्वारे कळविण्यात आले आहे.