Yuva maratha news
संतापजनक: सुसंस्कृत महाराष्ट्राला वासनांधानी पछाडले…
शिक्षण क्षेत्रानंतर आता धार्मिक शिक्षण देणाऱ्या महाराजाने केले मुलीवर लैंगिक अत्याचार!
(राजेंद्र पाटील राऊत)
संभाजीनगर:- जिल्ह्यातील कन्नड तालुक्यात असलेल्या हतनूर शिवारातल्या जैतापूर रस्त्यांवरील कन्या आश्रमात तेथील महाराजाने दोन अल्पवयीन मुलीवर अत्याचार केल्याची घटना (दि.२० आँगस्ट) रोजी घडली. दादासाहेब पुंडलिक अकोलकर वय ६८ असे आरोपी महाराजाचे नाव आहे.अकोलकर हा महाराज हा मागील नऊ ते दहा वर्षांपासून हतनूर शिवारात असलेल्या जैतापूर रस्त्यांवरील गट नंबर १३१ मध्ये माऊली वारकरी शिक्षण कन्या आश्रम चालवतो.या आश्रमात आठ ते अठरा वर्षं वयाच्या सुमारे पंधरा ते वीस मुली धार्मिक शिक्षण घेत आहेत.या मुली दिवसा शाळेत शिक्षण घेतात व रात्री आश्रमात वास्तव्यास असतात.सकाळी व सायंकाळी अकोलकर महाराज या मुलींना धार्मिक शिक्षण देत होता.मंगळवारी २० आँगस्ट रोजी अकोलकर महाराजाने रात्री १२ वाजेच्या सुमारास त्याच्या खोलीत बोलावून अत्याचार केला.त्याच रात्री त्याने एका दुसऱ्या मुलीवरही अत्याचार केल्याचे उघड झाले आहे.हा प्रकार कुणाला सांगितला तर तुम्हाला काहीच शिकविणार नाही अशी धमकी या महाराजाने पीडीत मुलीना दिली.या मुलीकडे कुठलीही संपर्काची साधने किंवा मोबाईल नसल्यामुळे त्यांनी शुक्रवारी शाळेत गेल्यावर शिक्षकांच्या मोबाईलवरुन हा प्रकार पालकांना कळवला.त्यानंतर पीडित मुली व त्यांच्या पालकांनी कन्नड ग्रामीण पोलिसांना या घटनेची माहिती दिली.त्यानंतर उपविभागीय पोलिस अधिकारी विजय ठाकूरवाड , सहायक पोलिस निरीक्षक रामचंद्र पवार, सहायक पोलिस उपनिरीक्षक कादिर पटेल ,आदींनी घटनास्थळी भेट देऊन आरोपी महाराज दादासाहेब अकोलकर यास ताब्यात घेऊन त्याच्यावर कन्नड ग्रामीण पोलीस स्टेशनला पोस्को भारतीय न्याय संहितेतील कलमानुसार गुन्हा दाखल करण्यात आला असून,महाराजला अटक करण्यात आली आहे.
