आशाताई बच्छाव
कोलकाता येथील ‘त्या’ हत्याकांड प्रकरणी संग्रामपूर येथे डॉक्टरांचे निषेध आंदोलन!
कडक कारवाईची मागणी
ज्ञानेश्वर पाटील युवा मराठा न्यूज ब्युरो चीफ बुलढाणा:
पश्चिम बंगालमधील कोलकाता येथील डॉक्टर महिलेची लैंगिक अत्याचार करुन निर्घृण हत्या करण्यात आली आहे. या घटनेचा तीव्र निषेध करत आरोपींवर तातडीनं कारवाई करण्याची मागणी संग्रामपूर तालुक्यातील डॉक्टरांनी केली आहे.
कोलकातामध्ये आर.जी.कर वैद्यकीय महाविद्यालयातील निवासी डॉक्टर तरुणीवर झालेल्या बलात्कार आणि हत्या प्रकरणी निषेधार्थ १७ ऑगस्ट रोजी संग्रामपूर तहसील समोर तालुक्यातील डॉक्टरांनी काळ्या फिती लावून तीव्र निषेध व्यक्त करत निषेध आंदोलन केले.आरोपींना कठोर शिक्षा करण्याची मागणी यावेळी महामहिम राष्ट्रपती यांना तहसीलदार योगेश्वर टोम्पे यांच्यामार्फत निवेदन देऊन करण्यात आली आहे.
यावेळी संग्रामपूर तालुका नीमा असोसिएशनचे अध्यक्ष डॉ.अमोल धुर्डे,उपाध्यक्ष डॉ.गणेश वानखडे, सचिव डॉ.विवेक देशमुख, कोषाध्यक्ष डॉ.जुगल गांधी, डॉ.हरी अंभोरे, डॉ.गोपाल सूरतकार, डॉ.मनोज तायडे, डॉ.योगेश सपकाळ, डॉ.आशिष हागे, डॉ.दिपक गायकवाड, डॉ.समीर शेख, प्रशांत इंगळे, राहुल गावंडे, विशाल टापरे आदी उपस्थित होते.
