आशाताई बच्छाव
माजी राज्यमंत्री अर्जुनराव खोतकर यांच्या प्रयत्नांमुळे जिल्हा परिषद
लिपिकवर्गीय कर्मचार्यांची मुख्यमंत्र्यांसोबत बैठक : प्रश्न मार्गी
लागणार
लिपिकवर्गीय कर्मचार्यांच्या प्रश्नांबाबत चर्चेअंती लक्ष वेधले
जालना, दि. १९(दिलीप बोंडे ब्युरो चीफ)-महाराष्ट्र राज्यातील जिल्हा परिषद लिपिकवर्गीय
कर्मचार्यांच्या मागण्या गेल्या अनेक वर्षापासुन प्रलंबीत आहे. याची
आतापर्यंत कोणत्याही शासनाने गांभीर्याने दखल घेतली गेली नाही. माजी
राज्यमंत्री अर्जुनराव खोतकर यांनी संघटनेच्या पदाधिकार्यांच्या
विनंतीवरुन मुख्यमंत्री एकनाथराव शिंदे यांचेकडे बैठक घेऊन व खासदार डॉ.
श्रीकांत शिंदे यांच्यासोबत लिपिकवर्गीय कर्मचार्यांच्या अडीअडचणी जाणुन
घेऊन त्यांच्या प्रश्नाबाबत चर्चा केली.
लिपिकवर्गीय कर्मचार्यांच्या मागण्यांमध्ये राज्यातील लिपिकवर्गीय
कर्मचार्यांचे समान काम समान वेतन व समान पदोन्नतीचे टप्पे करणे,
राज्यातील जिल्हा परिषदेमीधल लिपिकवर्गीय कार्मचार्यांच्या वेतन त्रुटी
मध्ये सुधारणा करण्याबाबत चर्चा करुन हे प्रश्न सोडविण्याबाबत सचिवांना
सुचना देऊन प्रश्न मार्गी लावण्याचे आश्वासन दिले. याबद्दल जिल्हा परिषद
लिपिकवर्गीय कर्मचारी संघटनेचे राज्याध्यक्ष मारुती जाधव, राज्य सरचिटणीस
अरुण जोर्वेकर, राज्य कोषाध्यक्ष उमाकांत सुर्यवंशी, राज्यउपाध्यक्ष संजय
चव्हाण, जिल्हाध्यक्ष अनिल भेरे-पाटील, नारायण कावळे यांनी मुख्यमंत्री
एकनाथराव शिंदे यांचे व माजी राज्यमंत्री अर्जुनराव खोतकर यांचे आभार
व्यक्त करुन लिपिकवर्गीय कर्मचार्यांनी समाधान व्यक्त केले.
