अनसिंग येथे वारंवार विद्युत पुरवठा खंडीत होत असल्यामुळे सहा. अभियंत्याच्या खुर्चीला हार घालून मनसेने दिले निवेदन

आशाताई बच्छाव

अनसिंग येथे वारंवार विद्युत पुरवठा खंडीत होत असल्यामुळे सहा. अभियंत्याच्या खुर्चीला हार घालून मनसेने दिले निवेदन
प्रतिनिधी/ गोपाल तिवारी 
वाशिम : अनसिंगमधील विद्यूत पुरवठा वारंवार खंडीत होत असल्याने तसेच विद्यूत भार स्थिर राहत नसल्याने निवेदन देण्यासाठी गेलेल्या मनसे कार्यकर्त्यांना विद्युत वितरण कंपनीचे सहा. अभियंता कार्यालयात हजर नसल्यामुळे त्यांनी रिकाम्या खुर्चीला हार घालून निवेदन देवून दि. 18 जुलै रोजी अनोखे आंदोलन केले.
अनसिंग येथील सहा. अभियंता हे नेहमी कार्यालयात गैरहजर असतात व अनसिंग येथे मुख्यालय असताना सुध्दा त्यांनी आपले कार्यालय पिंपळगावला केले असून, नागरिकांना नाहक अनसिंग सोडून पिंपळगावला जावे लागत असल्याने मनसेचे यश चव्हाण व त्यांच्या कार्यकर्त्यांनी आक्रमक होत सहाय्यक अभियंता यांच्या रिकाम्या खुर्चीला हार घालून निवेदन देवून अनोखे निषेध आंदोलन केले.
यावेळी अनसिंग शहर अध्यक्ष अमोल पोहरकर, शुभम काळे, अनंता ढोके, वैभव कव्हर, गोपाल ढोके, बादल राजगुरू मनसे पदाधिकारी व कार्यकर्ते उपस्थित होते.