आशाताई बच्छाव
वसुलीबहाद्दर एएसआय रिढे ‘अटॅच टू कंट्रोल रुम’! पोलीस अधीक्षक कडासने यांचे आदेश; ट्रकचा पाठलाग करणे भोवले
युवा मराठा न्यूज बुलढाणा जिल्हा ब्युरो चीफ संजय पन्हाळकर
खामगाव : – एक पोलीस अधिकारी पैश्यासाठी आपल्या खाजगी कारने वाहनधारकांचा पाठलाग करतो. विनाकारण वाहने T अडवून कारवाईचा धाक दाखवत त्यांच्याकडे पैश्याची मागणी करत असल्याचा नागपूर- मुंबई राष्ट्रीय महामार्गावरील एक व्हिडीओ समोर आला होता. दरम्यान या व्हिडिओची पोलीस अधीक्षक सुनील कडासने यांनी गंभीरतेने दखल घेत सदर कर्मचाऱ्याला खामगाव येथील कंट्रोल रूममध्ये अटॅच करण्याचे आदेश दिले डीआहेत. खामगाव ग्रामीण पोलीस स्टेशनमध्ये कार्यरत असलेले बीएएसआय सुभाष रिंढे असे या पोलीस अधिकाऱ्याचे नाव असून राष्ट्रीय महामार्गावर वाहनांचा पाठलाग करून त्यांना अडवून पैशासाठी त्रास दिल्या जात असल्याच्या तक्रारी वाढत होत्या. दरम्यान एका ट्रक चालकाने सदर पोलीस अधिकारी ट्रकचा पाठलाग करत असताना व्हिडिओ तयार करून व्हायरल केला होता. या व्हिडिओमध्ये
सदर पोलिसाला ट्रक चालक हा शिवीगाळ करत असल्याचेही दिसून येत आहे. दरम्यान या व्हायरल व्हिडिओची दखल घेत पोलीस अधीक्षक सुनील कडासने यांनी एएसआय सुभाष रिंढे यांना तात्काळ खामगाव येथील कंट्रोल रूमला अटॅच करण्याच्या सूचना खामगाव ग्रामीण पोलीस स्टेशनचे ठाणेदार केशव वाघ यांना दिल्या. त्यावरून वाघ यांनी सदर कर्मचाऱ्याला १४ जुलैच्या दुपारी तीन वाजेच्या सुमारास खामगाव कंट्रोल रूमला सलग्न करण्याचे आदेश काढले आहेत. या कारवाईमुळे जिल्हा पोलीस दलात चांगलीच खळबळ उडाली आहे.