आशाताई बच्छाव
अमरावतीत होणार शाहू महाराज संशोधन व प्रशिक्षण केंद्राचे विभागीय कार्यालय, शासनाची मंजुरी.
दैनिक युवा मराठा
पी.एन.देशमुख
अमरावती जिल्हा विभागीय संपादक.
अमरावती
छत्रपती शाहू महाराज संशोधन, प्रशिक्षण व मानव विकास संस्था पुणे या संस्थेच्या अधिनस्त अमरावती विभागीय कार्यालय अमरावतीमध्ये उभारण्यात येणार आहे. या कार्यालयाच्या इमारतीसाठी, तसेच आवश्यक मुला-मुलीचे वेग वेगळे वस्तीगृह आणि अभ्यासिकेचे इमारतीच्या बांधकामाला राज्य शासनाची मान्यता मिळाली या बांधकामासाठी अंदाजीत १७१.९८ कोटी रुपयाचा निधी देखील मंजूर करण्यात आला आहे. शहरातील नवसारी परिसरात शासकीय जागेवर या इमारतीचे बांधकाम करण्यात येणार आहे., मराठा, कुणबी, मराठा कुणबी, कुणबी मराठा या लक्षात गटातील लाभार्थ्यांना अभ्यासिका, मुला मुलींचे वेगवेगळे वस्तीगृह अभ्यासिका इमारतीच्या बांधकाम संदर्भातील प्रस्ताव शासनाला पाठविण्यात आले होते. या बांधकामासाठी नवसारी येथील सर्वे नंबर २९ मधील१.४४ हे. आर व सर्वे नंबर१३३ मधील ०.८१ हे आर असे एकूण २.२५ हे . आर पैकी २.२४ शासकीय जमीन ही नियोजन विभागात सारथी संस्थे करिता देण्यात आली आहे. येथे छत्रपती शाहू महाराज संशोधन प्रशिक्षण व मानव विकास संस्थेचे विभागीय कार्यालयाच्या इमारतीच्या बांधकामासाठी आवश्यक १७१.९८ कोटी रुपयाचे अंदाजपत्रक सार्वजनिक बांधकाम विभागाने सारखीच्या मार्फत शासनाला पाठविले होते. त्यामुळे या प्रस्तावाला मान्यता देण्याबाबतचा निर्णय शासन विचार धीन होता. अखेर ९ जुलै रोजी शासनाने या इमारत बांधकामाला मंजुरी दिली असून तसा शासन निर्णय जाहीर केला आहे. या विभागीय कार्यालयामुळे जिल्ह्यासह अमरावती विभागातील मराठा, कुणबी, मराठा कुणबी, कुणबी मराठा समाजातील मुला मुलींना याचा लाभ मिळणार आहे.
