आशाताई बच्छाव
सोनई परीसरात योगदिन
सोनई,(कारभारी गव्हाणे तालुका प्रतिनिधी) सोनंई व परीसरात जागतिक योगदिन उत्साहात संपन्न झाला. शाळा, महाविद्यालय, सामाजिक संस्था, शासकीय व सहकारी संस्थेच्या वतीने योग, प्राणायाम शिबिराचे आयोजन करण्यात आले होते. संत निरंकारी भवनमध्ये विठ्ठल महाराज खाडे यांच्या मार्गदर्शनाखाली योग शिक्षिका आकांक्षा यांच्या अध्यक्षतेखाली योगदिन साजरा झाला. प्रजापिता ब्रम्हाकुमारी विश्व विद्यालयात उषादिदी यांनी मन आणि शरीर यांची एकाच वेळी तयारी झाली की रोज
योग, प्राणायाम घडून येतो. यात सातत्य असेल तर ती व्यायामाची साधना होऊन जीवनात राजयोग घडतो, असे सांगितले. कृषी महाविद्यालय सोनई, राष्ट्रीय सेवा योजनेच्या स्वयंसेविकांनी शिरेगाव येथील जिल्हा परिषद प्राथमिक शाळेत योग दिन साजरा केला. मुळा एज्युकेशन संस्थेचे डॉ. आंबेडकर विद्यालय, पब्लिक स्कूल, शनिश्वर विद्यालय, यश अकॅडेमी, सोनई महाविद्यालय व आदर्श विद्यामंदिर, परिसरातील जिल्हा परिषदेच्या सर्व शाळांत योग कार्यक्रम संपन्न झाला.
