आशाताई बच्छाव
ताहाराबाद व साल्हेर येथे विर एकलव्य व बिरसा मुंडांचे स्मारक व्हावे,नवनिर्वाचित खासदार शोभाताई बच्छाव यांना आदिवासी बचावचे निवेदन..!!! ताहाराबाद,(प्रतिनिधि,प्रवीण भील) धुळे लोकसभा मतदारसंघाचे नवनिर्वाचित खासदार डॉक्टर शोभाताई बच्छाव यांचा आज बागलाण तालुक्यातील पश्चिम पट्टय़ातील डांगसौंदाणे पठावे साल्हेर वाघंबा अलियाबाद जाड गोळवाड व इतर विविध गावांना आभार दौर्यावर आले असता आदिवासी बचाव अभियान के.ए.गृप च्या वतीने साल्हेर येथे निवेदन देण्यात आले.सदर निवेदनात म्हटले आहे की बागलाण तालुका हा आदिवासीबहुल तालुका असुन गेल्या चाळीस वर्षांपासून येथे आमदारदेखील आदिवासींचा निवडला जातो परंतु आदिवासींच्या समस्या या वाढतच आहेत. आदिवासीबहुल तालुका असल्यामुळे साहजिकच याठिकाणी आदिवासींचे दैवत भगवान विर एकलव्य तसेच क्रांतिकारक बिरसा मुंडा यांचे स्मारक असायला हवे.ताहाराबाद चौफुलीवर भगवान विर एकलव्य व साल्हेर येथे भगवान विर एकलव्य व बिरसा मुंडा यांचे स्मारक व्हावे जे काम गेल्या चाळीस वर्षात झाले नाही ते काम खासदार शोभाताई बच्छाव यांच्याकडून व्हावे अशी अपेक्षा असलेले निवेदन देण्यात आले.यावेळी संघटनेचे जिल्हाध्यक्ष रावण चौरे तालुकाध्यक्ष प्रवीण भील उपाध्यक्ष दिपक देशमुख विजय बहिरम मधुकर भोये मयूर भोये दिपक गवळी एकनाथ सोनवणे व इतर आदिवासी बांधव व ग्रामस्थ उपस्थित होते..
