आशाताई बच्छाव
पोलीस अधीक्षक अजय कुमार बंसल यांच्या प्रयत्नातून जालना पोलीस दलात ‘व्हॅनिटी व्हॅन’ दाखल.
जिल्हा प्रतिनिधी जालना -वसंतराव देशमुख
दिनांक 20/06/2024
याविषयीचे अधिक वृत्त असे की, जालना जिल्ह्यामध्ये मोठ्या प्रमाणावर कायदा व सुव्यवस्थेचा तसेच इतर प्रकारचे बंदोबस्त लागलेले असतात. अशा बंदोबस्तात महिला अधिकारी व अंमलदार यांना नेमून दिलेल्या बंदोबस्त ठिकाणी अधिक कालावधीसाठी एकाच ठिकाणी उपस्थित राहावे लागते. त्यामध्ये महिला अधिकारी व अंमलदार यांना बंदोबस्ता ठिकाणी बाथरूम व त्यांच्या बाळांना दुग्धपण वगैरे करण्यासाठी काहीही व्यवस्था नसते त्यामुळे महिला अधिकारी व अंमलदार यांची मोठ्या प्रमाणात कुचंबणा होते. ही गैरसोय लक्षात घेता मा. श्री अजय कुमार बंसल पोलीस अधीक्षक जालना व मा. श्री आयुष नोपाणी अप्पर पोलीस अधीक्षक जालना यांचे विशेष प्रयत्नातुन जालना पोलीस दलात ‘व्हॅनिटी व्हॅन’ तयार करण्यात आली आहे. सदर व्हॅनिटी व्हॅनमुळे महिला पोलीस अधिकारी व अमलदार यांना यापुढे बंदोबस्ता ठिकाणी गैरसोय होणार नाही. सदरच्या ‘व्हॅनेटि व्हॅनचे’ लोकार्पण मा. श्री वीरेंद्र मिश्र विशेष पोलीस महानिरीक्षक छत्रपती संभाजीनगर परिक्षेत्र यांच्या हस्ते करण्यात आले आहे. सदरचे व्हॅनिटी व्हॅन तयार करण्यासाठी मा. पोलीस अधीक्षक अजय कुमार बंसल व मा. अप्पर पोलीस अधीक्षक आयुष नोपाणी यांच्या आदेशान्वये श्री महेन्द्र मोहोड पोलीस निरीक्षक मोटार परिवहन विभाग जालना यांनी विशेष प्रयत्न केले.
