मतमोजणीमुळे नांदेड शहरातील वाहतुक मार्गात बदल

आशाताई बच्छाव

मतमोजणीमुळे नांदेड शहरातील वाहतुक मार्गात बदल
मराठवाडा विभागीय संपादक मनोज बिरादार
नांदेड दि. 3 :- लोकसभा निवडणूक 2024 ची मतमोजणी 4 जून 2024 रोजी नांदेड शहरातील शासकीय तंत्रनिकेतन महाविद्यालय, बाबानगर, नांदेड येथे होणार आहे. मतमोजणी कालावधीत शांतता व सुव्यवस्था अबाधित राहावी या दृष्टीने महाराष्ट्र पोलीस अधिनियम 1951 चे कलम 36 अन्वये 4 जून 2024 रोजी चे सकाळी 6 वाजेपासून ते मतमोजणी कार्यक्रम पूर्ण होईपर्यत वाहतुकीच्या मार्गात बदल करुन पर्यायी मार्गाचा वापर करण्याबाबत अधिसूचना प्रसिध्द केली आहे.

4 जून 2024 रोजी वाहनांच्या वाहतूक व्यवस्थेत तात्पुरत्या स्वरुपात पुढील पर्यायी मार्गावरील वाहतुकीस वळण देऊन बदल करण्यात येत आहे.

वाहतुकीसाठी बंद असलेले मार्ग

नविन मोंढा कमान ते आयटीएम चौक (कुसूमताई सभाग्रह) कडे जाणारा रस्ता वाहतुकीस पूर्णपणे बंद राहील. महात्मा फुले हायस्कूल ते शंकरराव चव्हाण पुतळा (लॉ कॉलेज टि पॉईन्ट) कडे जाणारा रस्ता वाहतुकीसाठी पुर्णपणे बंद राहील. उज्वल गॅस ऑफिस ते महादेव दाल मिलकडे येणारा रस्ता वाहतुकीसाठी पुर्णपणे बंद राहील.

वाहतुकीसाठी पर्यायी मार्ग

अण्णाभाऊ साठे पुतळा येथून आयटीआयकडे जाण्यासाठी नाईकचौक –आनंदनगर-वर्कशॉप ते आयटीआय वाहतुकीसाठी चालू राहील. नविन मोंढाकडे येण्यासाठी आयटीआय वर्कशॉप-आनंदनगर-नाईक चौक ते नविन मोंढा वाहतुकीसाठी चालू राहील. तरी 4 जून 2024 रोजी सकाळी 6 वा. ते मतमोजणी कार्यक्रम पूर्ण होईपर्यत वाहतुकीस अडथळा होवू नये यासाठी पर्यायी मार्गाची अधिसूचना प्रसिध्द करण्यात आली आहे.