राजेंद्र पाटील राऊत
मोसम खो-यात सट्टा मटकाचे थैमान,पोलिसांचे अर्थपूर्ण मौन
सोमपूरचा मटकाकिंग दाणी,
कमावतो हरामाचा मालपाणी!
(राजेंद्र पाटील राऊत)
मालेगाव – सटाणा तालुक्यातील मोसम खो-यात असलेल्या सोमपूर गावात सट्टा मटका जुगाराचे थैमान वाढले असून, याप्रकरणी पोलिसांनी मात्र मौन धारण केले असल्याचे एकंदरीत चित्र आहे.
सोमपूर हे गाव जायखेडा पोलिस स्टेशनच्या अंतर्गत येत असून, अगदी हाकेच्या अंतरावर असलेल्या या गावात दाणी नामक सट्टा मटका माफिया राजरोसपणे जुगार चालवून गोरगरिबांचे संसार उध्वस्त करीत आहे.कमी पैश्यात जास्त पैसे मिळण्याच्या लालसेपोटी गोरगरीब आपली हक्काची कमाई या जुगारात बरबाद करीत आहेत.तर सट्टा मटका माफिया दाणी हा सर्वसामान्य नागरिकांना देखील जुमानत नसून,आपले कुणीच काही करु शकत नसल्याच्या बेताल वल्गना करीत असल्याच्या तक्रारीही सुज्ञ नागरिकांनी नाव न छापण्याच्या अटीवर युवा मराठाशी बोलताना केल्या (उद्या वाचा – शहाजी उमाप यांची पाठ फिरताच कळवणच्या जायबारीत रोजच होतेय अवैध सट्टा मटका धंद्याची लाखो रुपयांची उलाढाल)
