आशाताई बच्छाव
श्रीमती जे.आर.गुंजाळ माध्यमिक व उच्च माध्यमिक विद्यालयात मतदान जनजागृती
दैनिक युवा मराठा
लक्ष्मण आवारे चांदवड
येत्या लोकसभा निवडणुकीत नागरिकांचे मतदान करण्याचे प्रमाण वाढावे या उद्देशाने, शासन परिपत्रकानुसार श्रीमती जे. आर. गुंजाळ माध्यमिक व उच्च माध्यमिक विद्यालय चांदवड येथे विविध उपक्रम घेण्यात आले रांगोळी , मेहंदी, वादविवाद ,निबंधलेखन, पत्रलेखन, स्वयंसेवक व मतदार दूत नेमणे, माता पालक मेळावा असे विविध उपक्रम घेण्यात आले. आठ एप्रिल रोजी मतदान जनजागृती रॅली संपूर्ण चांदवड शहरातून काढण्यात आली. त्यात चांदवड शहरातील प्राथमिक ,माध्यमिक ,उच्च माध्यमिक शाळांनी सहभाग नोंदवला होता. विद्यार्थ्यांनी मतदानाचे महत्त्व सांगणारे विविध घोषवाक्यांनी मतदानाविषयी जागृती केली. त्यानंतर श्रीमती जे .आर .गुंजाळ विद्यालयाच्या प्रांगणात चांदवड पंचायत समितीचे गटविकास अधिकारी साबळे साहेब ,गटशिक्षणाधिकारी बोडके साहेब, विस्तार अधिकारी खैरनार साहेब, केंद्रप्रमुख ठोके सर, केंद्र मुख्याध्यापक महाले सर, चांदवड नगर परिषदेचे मुख्याधिकारी डाके साहेब विद्यालयाचे प्राचार्य लोहकरे सर ,पर्यवेक्षक आहेर सर ,नगरपरिषदेचे सर्व अधिकारी -कर्मचारी विविध शाळांचे मुख्याध्यापक, शिक्षक ,विद्यार्थी उपस्थित होते. याप्रसंगी साबळे साहेब यांनी मतदानाचे महत्त्व विषद
केले. त्यानंतर विद्यालयाचे क्रीडा शिक्षक काळे सर यांनी सर्वांना मतदान जनजागृती प्रतिज्ञा दिली आणि कार्यक्रमाची सांगता करण्यात आली.
