आशाताई बच्छाव
डॉ.संदिप तांबे यांना राज्यस्तरीय उत्कृष्ट मराठी अध्यापन सेवा कार्यगौरव पुरस्कार
सोनई अहमदनगर कारभारी गव्हाणे– मुळा एज्युकेशनच्या कृषि महाविद्यालय,सोनई याठिकाणी कार्यरत असलेले विद्यार्थी कल्याण अधिकारी प्रा.डॉ.संदिप कडूभाऊ तांबे यांना ज्ञानज्योती बहुउद्देशीय संस्था,टाकळीभान यांच्या वतीने देण्यात येणारा यावर्षीचा राज्यस्तरीय उत्कृष्ट मराठी अध्यापन सेवा कार्यगौरव पुरस्कार सावित्रीबाई फुले पुणे विद्यापीठ, पुणे मराठी अभ्यास मंडळाचे अध्यक्ष डॉ.संदिप सांगळे,जेष्ठ साहित्यिक डॉ.बाबुराव उपाध्ये,डॉ.शिरीष लांडगे,डॉ.वसंत शेंडगे,डॉ.शरद दुधाट यांच्या शुभहस्ते देण्यात आला. सावित्रीबाई फुले पुणे विद्यापीठ अंतर्गत डॉ.संदिप तांबे यांनी ‘ज्ञानेश्वरांच्या वाङ्मयातील स्त्रीदर्शन’ या विषयावर पीएच.डी केली आहे. त्यांच्या या संशोधन कार्याची दखल घेऊन हा राज्यस्तरीय पुरस्कार त्यांना देण्यात आला.नेवाशामध्ये संत ज्ञानेश्वरांनी पैस खांबाला टेकून ज्ञानेश्वरी सांगितली, त्या नेवासा तालुक्यातील ज्ञानेश्वरांच्या वाङ्मयावर पीएच.डी मिळवणारे ते पहिलेच प्राध्यापक असून ते विद्यार्थीप्रिय तसेच उपक्रमशील प्राध्यापक आहेत असे भेंडा महाविद्यालयाचे प्राचार्य डॉ. शिरीष लांडगे म्हणाले.या पुरस्काराबद्दल डॉ.संदिप तांबे यांचे सर्वत्र अभिनंदन होत आहे.
