बनावट वेबसाईटमुळे चाळीसगावचे इसमाचे बँक खाते रिकामे होण्यापासून वाचले

आशाताई बच्छाव

बनावट वेबसाईटमुळे चाळीसगावचे इसमाचे बँक खाते रिकामे होण्यापासून वाचले

चाळीसगाव प्रतिनिधी विजय पाटील- बुट खरेदी करण्यासाठी एका व्यापाऱ्याने ऑनलाईनवर जावून एका बुट कंपनीवर बुट मागवले. त्यासाठी व्यापाऱ्याच्या बँक खात्यातून 379 रूपये कापले देखील गेले. मात्र ही वेबसाईट बनावट असल्याची शंका येताच व्यपाऱ्याने आपली सर्व बॅेक खाते गोठवून घेतले. त्यामुळे व्यापाऱ्याच्या खात्यातून बोगस ऑनलाईन कंपनीकडून पैसे वळते होण्याचा प्रसंग टळला. याबाबत व्यापाऱ्याने या बोगस ऑनलाईन वेबसाईटबाबत शहर पोलीसांकडे तक्रार केली.
वाढत्या ऑनलाईन फसवणुकीच्या घटनांमुळे नागरीकांनी कुठल्याही वस्तु ऑनलाईन मागवतांना संबंधीत वेबसाईट अधिकृत आहे की नाही याबाबत दक्षता घेण्याची गरज आहे.
येथील औषध विक्रेते सुभाष कन्हैय्यालाल बजाज यांनी गुगल सर्चवरून फ्लिपकार्ट लाईव्ह सेल या कंपनीमार्फत ऑनलाईन बुट मागवले. त्यासाठी या कंपनीकडून या औषध विक्रेत्याच्या बँक खात्यातून 369 रूपये वळते देखील झाले. मात्र ज्या कंपनीकडून बुट मागवायचे आहेत ती वेबसाईट बनावट असल्याचे व आपली फसवणुक झाल्याचे त्यांचे लक्षात येताच त्यांनी आपल्या बँक खात्यांमधून आणखी पैसे वळते होण्यापूर्वीच वेळीच दक्षता घेत आपली सर्व बँक खाती गोठवून घेतले.
परिणामी त्यांच्या खात्यातून 369 रूपये वगळता आणखी पैसे वळते होेणे बंद झाले. फ्लिपकार्ट लाइव्ह सेल चे मााध्यमातून फसणुक झाल्याचा तक्रार अर्ज बजाज यांनी चाळीसगाव शहर पोलीसांना दिला असून पोलीस अधिक तपास करीत आहेत.
सध्या बनावट वेबसाईट कंपन्यांचा इंटरनेटवर सुळसुळाट असून त्यात अनेकांची फसवणूक होवून त्यांची बँक खाती रिकामी होत आहेत.अशा ऑनलाईन फसवणुकपासून नागरीकांनी सावध राहावे असे आवाहन पोलीसांनी केले आहे.