आशाताई बच्छाव
म्हसदी,(श्रीहरी बोरसे प्रतिनिधी)- वारकरी निघाले निवृत्तीरायाच्या भेटीला.
सालाबादप्रमाणे पौष वारी निमित्त
श्री संत नामदेव महाराज खालसा अखिल भारतीय कुंभमेळा परिषद व अखिल विश्व वारकरी परिषद महाराष्ट्र राज्य यांच्या संयुक्त विद्यमानाने
कजवाडे ते श्रीक्षेत्र त्र्यंबकेश्वर पायी दिंडीचे कजवाडे येथून प्रस्थान झाले महामंडलेश्वर श्री श्री १००८ अनंतदासजी महाराज कजवाडेकर यांच्या मार्गदर्शनाने दिंडीचे प्रस्थान झाले.
कजवाडे येथील ह.भ.प.मधुकर बारकू कापडणीस यांच्याकडे भोजनाचा आनंद घेऊन रात्री ह.भ. प.सविताताई महाराज खैरनार यांचा कीर्तनाचा कार्यक्रम झाला. सकाळी ह.भ.प.राजेंद्र नारायण बोरसे याच्याकडे चहा नाष्टा करून दिंडीचे त्र्यंबकेश्वर कडे प्रस्थान झाले. यावेळी कजवाडे गावातील व परिसरातील वारकरी मोठ्या संख्येने उपस्थित होते.कजवाडे येथून श्री संत नामदेव महाराज यांच्या पादुकांचा रथ घेऊन वारकरी ज्ञानोबा तुकोबा यांच्या भजनाने दंग होऊन संत निवृत्तीरायांच्या भेटीला निघाले.
