आशाताई बच्छाव
अंबाजोगाई तालुक्यात दोन अपघात; दोघांचा मृत्यू
मोहन चव्हाण
ब्युरो चिफ बीड जिल्हा
बीड/अंबाजोगाई दि:२२ तालुक्यात दोन अपघाताच्या घटना घडल्या आहेत.या अपघातात दोन जणांचा मृत्यू झाला आहे.एक घटना सायगाव गावाजवळ घडली तर दुसरी सातेफळ फाट्याजवळ घडली आहे.दरम्यान या दोन्ही घटनेबाबत पोलीस ठाण्यात गुन्हादाखल करण्यात आला आहे.याबाबत फक्त माहिती अशी की,सायगाव येथे दिनांक २१ रोजी रविवार रोजी रात्री साडेदहाच्या सुमारास भरधाव वेगातील अज्ञात वाहनाने दुचाकीला जोराची धडक दिली.या धडकेत पंचेवीस वर्षीय युवकाचा जागीच मृत्यू झाला.विजय सतीश कांबळे असे मृत झालेल्या व्यक्तीचे नाव आहे.याप्रकरणी सतीश ज्ञानोबा कांबळे वय ५३ यांच्या फिर्यादीवरून अज्ञात वाहनचालका विरुद्ध बर्दापूर पोलीस स्टेशन येथे गुन्हा दाखल करण्यात आला आहे.सातेफळ फाट्यावर घडलेल्या दुसऱ्या अपघातात स्कॉर्पिओने मोटर सायकलला जोराची धडक दिली.या धडकेत एकाचा मृत्यू तर एक जन गंभीर जखमी झाला आहे.रविवारी रात्री साडेआठ वाजताच्या दरम्यान घडला आहे.अहमद नयुम शेख वय २१ राहणार शिराढोण असं अपघातात मृत्यू झालेल्या युवकाचे नाव आहे.तर त्याच्यासोबत असलेल्या मित्राचे नाव अद्याप समजलेले नाही.या घटनेचा तपास पोलीस करीत आहेत.
