आशाताई बच्छाव
पोलिस जवानाच्या सुपुत्राचे राज्यस्तरीय टेनिस स्पर्धेत सुयश
पवन कोळी आता चमकणार राष्ट्रीय पातळीवर
देगलूर तालुका प्रतिनिधी, (गजानन शिंदे )
क्रीडा संचालनायाच्या वतीने सोलापूर येथे दि. २२ ते २४ नोव्हेंबरदरम्यान पार पड़लेल्या १७ वर्षाखालील राज्यस्तरीय लॉन टेनिस स्पर्धेत शिळवणी येथील रहिवासी असलेला पवन सतीश कोळी याने छत्रपती संभाजीनगर विभागाचे नेतृत्व करुन उत्कृष्ट कामगिरी करत राज्यस्तरीय स्पर्धेत यश मिळविले आहे. सविस्तर देगलूर तालुक्यातील शिळवणी येथील रहिवाशी असलेले सध्या हा.मु. जालना येथे राज्य राखीव पोलीस दलात कार्यरत असलेले सतीश कोळी यांचा सुपुत्र पवन कोळी यास लहानपणापासूच खेळाची आवड होती. त्याने खिलाडूवृत्ती असलेल्या वडीलांसोबत नेहमी मैदानात उतरत टेनिसमध्ये प्राविण्य मिळविले. त्याची
खेळाची आवड पाहून सतीश कोळी यांनी त्याला संभाजीनगर, जालंधर आणि हैद्राबाद येथील आंतरराष्ट्रीय दर्जाच्या प्रशिक्षकाकडून टेनिसचे धडे दिले.
यावर्षी युवक व क्रीडा संचालनालयाच्यावतीने सोलापूर येथे पार पडलेल्या राज्यस्तरीय लॉन टेनिस स्पर्धेत पवन कोळी याने सलग ५ फेऱ्यांमध्ये प्रतिस्पर्ध्यावर मात करून यश प्राप्त केले आहे. त्याने थेट
राष्ट्रीय लॉन टेनिस स्पर्धेसाठी आपले स्थान पक्के केले असून, तो राष्ट्रीय स्पर्धेत महाराष्ट्राचे प्रतिनिधित्व करणार आहे.
बंगलोर येथे राष्ट्रीय लॉन टेनिस स्पर्धा पार पडणार आहे, त्यात तो महाराष्ट्राचे प्रतिनिधित्व करणार आहे. पूर्वतयारी तो दि ४ ते ८ डिसेंबर या कलावधीत वर्धा येथे आयोजित कॅम्पमध्ये तो सराव करणार आहे.
सध्या पवन हा हैदराबाद येथील लॉन टेनिस अकादमीत गेल्या वर्षीपासून दररोज सराव करत आहे. पवनचे राष्ट्रीय लॉन टेनिस स्पर्धेसाठी निवड झाल्याबद्दल सर्वस्तरातून अभिनंदनचा वर्षाव होत आहे.
