आशाताई बच्छाव
व-हाणेतील त्या गावगुंडांवर
कठोर कारवाईच्या मागणीसाठी चांदवड ला निवेदन दाखल
(लक्ष्मण आवारे)
चांदवड – युवा मराठा महासंघाचे संस्थापक अध्यक्ष व युवा मराठा न्यूज चॅनलचे मुख्य संपादक राजेंद्र पाटील राऊत यांच्या वर मालेगाव पंचायत समिती परिसरात व-हाणेतील गावगुंडांनी केलेल्या भ्याड हल्ल्याच्या निषेधार्थ काल चांदवड येथे महासंघाचे तालुकाध्यक्ष सुनील गांगुर्डे व तालुका उपाध्यक्ष पवन प्रजापत आणि प्रविण क्षीरसागर यांच्या उपस्थितीत चांदवड पोलिस स्टेशनचे सहाय्यक पोलीस निरीक्षक सुरेश चौधरी यांना तर तहसीलदार मंदार कुलकर्णी यांना निवेदन देण्यात येऊन या भ्याड हल्ल्याचा तीव्र निषेध करण्यात आला व व-हाणे गावी सुरू असलेल्या पाणपोई जागेच्या वादातून हा हल्ला करण्यात आलेला असून त्यामुळे या हल्लेखोर गावगुंडांवर कठोर कारवाई करण्याची मागणी यावेळी करण्यात आली.
.……. चौकट……..
लोकशाहीचा चौथा आधारस्तंभ म्हणून ओळखल्या जाणाऱ्या पत्रकार बांधवांवर दिवसाढवळ्या असा प्राणघातक हल्ला होत असेल ते कदापि खपवून घेतले जाणार नाही व युवा मराठा महासंघाचे वतीने महाराष्ट्र भरात कार्यरत असलेल्या वेगवेगळ्या जिल्ह्यांत या घटनेचा निषेध म्हणून व गुन्हेगारावर कठोर कारवाई करण्याच्या मागणीसाठी महासंघाचे पदाधिकारी व कार्यकर्ते आजपासून निवेदने दाखल करतील आणि लवकरच याबाबत मोठे आंदोलन उभे करण्यासाठी बैठक घेऊन निर्णय घेतला जाईल – ज्ञानेश्वर पाटील दादळे महाराष्ट्र प्रदेश अध्यक्ष युवा मराठा महासंघ
