आशाताई बच्छाव
खासदार उन्मेष पाटील यांनी रुग्णाला तात्काळ उपलब्ध करून दिले आयुष्यमान भारत योजनेचे कार्ड
चाळीसगाव प्रतिनिधी विजय पाटील – शहरातील शास्त्री नगर मधील वृत्तपत्र विक्रेत्याला उपचारासाठी लागणारे आयुष्यमान भारत योजनेचे कार्ड खासदार उन्मेष पाटील यांनी तात्काळ उपलब्ध करून दिल्याने रुग्णाला आता योजनेतून उपचार मिळणार आहेत.
दीपावलीनिमित्त चाळीसगाव येथील जनसंपर्क कार्यालयात कार्यकर्त्यांच्या गाठीभेटी संवाद साधण्यासाठी खासदार उन्मेष पाटील उपस्थित असताना शास्त्रीनगरातील शिनकर भगिनी आपली समस्या घेऊन भेटीला आल्या त्यांचे पती वृत्तपत्र विक्रेता अमोल शिनकर यांना ब्रेन ट्यूमर झाला होता.
प्राथमिक उपचार डॉ. राहुल वाघ यांच्या दवाखान्यात उपचार सुरू आहेत. त्यांचेकडे आयुष्यमान भारत योजनेचे कार्ड नसल्याने पुढील उपचार कसा करावा ही समस्या होती. तात्काळ वाल्मीक महाले यांना बोलवून त्यांना आयुष्यमान भारत योजनेचे कार्ड उपलब्ध करून दिले
त्यामुळे पुढील उपचारासाठी नाशिक येथे जाणे शक्य होणार आहे. अमोल शिनकर यांना आयुष्यमान भारत कार्ड दिल्यानंतर त्यांना व त्यांच्या परिवाराला खऱ्या अर्थाने मदत केल्याचा आनंद झाल्याचे खासदार उन्मेष पाटील यांनी सांगितले.
