आशाताई बच्छाव
आईवडीलांची सेवा म्हणजे साक्षात ईश्वराचे सानिध्य
मुनीश्री योगसागरजी महाराज यांचा उपदेश : विद्यासागर गुरुकुल शाळेत कार्यक्रम
वाशिम (गोपाल तिवारी )– आईवडील साक्षात ईश्वरासमान असून त्यांची सेवा करणे म्हणजेन साक्षात ईश्वराच्या सानिध्यात जाणे होय. त्यामुळे प्रत्येक विद्यार्थ्यांने विद्यार्जनासोबत आईवडीलांची सेवा करावी असा मोलाचा उपदेश संत शिरोमणी आचार्य गुरुदेव श्री १०८ विद्यासागरजी महाराज यांचे परमशिष्य जेष्ठ मुनीश्री निर्यापक श्रमण १०८ श्री योगसागरजी महाराज आणि १०८ श्री निस्सीमसागरजी महाराज यांनी आपल्या अमृतवाणीतून विद्यार्थी आणि शिक्षकांना मार्गदर्शन करतांना दिला.
स्थानिक लाखाळा येथील विद्यासागर गुरुकुल इंग्लीश शाळेत शनिवार, ४ नोव्हेंबर रोजी पवन वर्षायोग निमित्त मुनीश्रींच्या प्रवचनाचा कार्यक्रम घेण्यात आला. यावेळी शाळेचे संचालक विनोद गडेकर, संतोष गडेकर, आनंद गडेकर आणि परिवाराने मुनीश्रींचा आशिर्वाद घेतला. तसेच विद्यार्थ्यांनी सुमधुर स्वरात वाद्य वाजवत मुनीश्री संघाचे उत्साहात स्वागत केले.
विद्यार्थ्यांना मार्गदर्शन करतांना मुनीश्री योगसागरजी महाराज पुढे म्हणाले की, योग्य दृष्टी असलेल्या आत्म्याच्या अंतःकरणात सर्व प्राणिमात्रांप्रती करुणेची भावना असते. तर मिथ्या दृष्टीच्या अंतःकरणात प्रत्येकाला दयाळू होण्याचा अधिकार मिळत नाही. सम्यक दृष्टीने सूक्ष्माचाही आघात टाळतो. सजीव प्राणी आणि सर्वांप्रती करुणेची भावना असते. दया हा आत्म्याचा स्वभाव आहे. आणि आत्म्याचा स्वभाव धर्म आहे. दया हा आत्म्याचा नैसर्गिक गुण आहे जो धर्माचा एक प्रकार आहे. दयाळू असणे हा प्रत्येकाचा गुण आहे. पण कोणत्याही सजीवाची हत्या किंवा हिंसा होऊ नये. भारतीय संस्कृतीत सर्व धर्मात करुणेला महत्त्व दिले गेले आहे. आचार्यांनी ‘धर्मस्य मुलं दया’ असे म्हटले आहे. म्हणजेच दया हा धर्माचा मूळ स्त्रोत आहे. दया हे धर्माचे मूळ आहे, पापाचे मूळ अभिमान आहे, असे तुलसीदासजींनीही सांगितले आहे. त्यामुळे प्रत्येक जीवाने सर्व प्राणिमात्रांप्रती करुणेच्या भावनेने धर्माचे पालन केले पाहिजे असे शेवटी ते म्हणाले. कार्यक्रमाला गडेकर परिवारासह शाळेतील विद्यार्थी, विद्यार्थीनी, शिक्षक, शिक्षीका व कर्मचारी उपस्थित होते.
