आशाताई बच्छाव
अस्तित्व संघटनेच्याच्या माध्यमातून सुरू असलेले “माहेर” कौटुंबिक हिंसाचार सल्ला, मार्गदर्शन प्रशिक्षण व पुनर्वसन केंद्र महिलांकरिता हक्काचे व्यासपीठ
” नरेंद् पाटील, जळगांव.
ब्युरो चीफ
मलकापूर :- अस्तित्व संघटनेच्याच्या माध्यमातून सुरू असलेले “माहेर” कौटुंबिक हिंसाचार सल्ला,मार्गदर्शन प्रशिक्षण व पुनर्वसन केंद्र महिलांकरिता हक्काचे व्यासपीठ बनत असून या व्यासपीठाअंतर्गत अस्तित्व संघटनेच्या संस्थापक अध्यक्षा प्रेमलाताई सोनोने यांनी तब्बल ९५० प्रकरणे निकाली काढली असून त्यांच्या समुपदेशनामुळे या प्रकरणातील शेकडो संसार आजही सुखाने नांदत आहे.
गत १५ वर्षांपासून ‘अस्तित्व’ खाजगीरित्या महिलांसाठी मोफत समुपदेशन केंद्र चालवीत आहे. गेली १० वर्ष संग्रामपूर तालुक्यातील सोनाळा येथे तर आता मलकापूर येथे माहेर कौटुंबिक हिंसाचार, सल्ला व मार्गदर्शन प्रशिक्षण व पुनर्वसन केंद्र चालवीत आहे. येथे आठवड्यातील कोणत्याही दिवशी महिला हक्काने तक्रार घेऊन येऊ शकतात. त्यानंतर शनिवारला त्यांना समुपदेशनासाठी बोलावलं जातं. शनिवारलाच यासाठी की मलकापूरचा आठवडी बाजार असतो व बाजाराच्या दिवशी सर्वांना येणं सोयीचं होतं. त्यामुळे शनिवार हा दिवस समुपदेशनासाठी निवडला गेला. याच शनिवारच्या दिवशी आजपर्यंत तब्बल ९५० अशा वेगवेगळ्या स्वरूपाच्या केसेसला निकाली काढले गेले आहे. त्यातील शेकडो संसार आजही सुखाने नांदत आहेत. हीच अस्तित्व संघटनेचे खूप मोठी अचिव्हमेंन्ट आहे अस संघटनेच्या अध्यक्षा सौ प्रेमलाताई सोनोने यांचं स्पष्ट मत आहे. तर माहेर हे एक केंद्र नसून महिलांचे हक्काचे व्यासपीठ आहे. येथे गरजू महिलांना मोफत सल्ला, मार्गदर्शन, गरज असल्यास त्यांना औद्योगिक प्रशिक्षण सुद्धा दिले जाते. त्याचप्रमाणे महिला वर्गाला शासनाच्या वेगवेगळ्या योजनांचा लाभ मिळवून दिला जातो. यामध्ये विशेषत: व्यसनाधीन पतीच्या त्रासापासून पीडित महिला, कौटुंबिक हिंसाचार, विधवा- परित्यक्ता, घटस्फोटीत व एकल महिला, शेतकरी आत्महत्याग्रस्त कुटुंबातील महिला किंवा मुलं, लैंगिक अत्याचारपीडिता, प्री मॅरेज कौन्सिलिंग अशा सर्वांना councling करण्यात येते आणि त्यांच्या चेहऱ्यावरचे हसू परत मिळवून देण्याचा प्रयत्न करण्यात येतो. त्यामुळेच माहेर वर आज मीतीस सर्वसामान्य वर्ग विशेषत: महिलांचा वाढता विश्वास हीच खऱ्या अर्थी कामाची पावती असल्याचा मानस सौ. प्रेमलताताई सोनोने यांनी प्रस्तुत प्रतिनिधीकडे व्यक्त केला आहे.
