आशाताई बच्छाव
चाळीसगावात शासकीय कार्यालयांमध्ये आता दर सोमवारी नागरीकांना अभिलेख अवलोकनासाठी उपलब्ध करून देणार
चाळीसगाव,(प्रतिनिधी विजय पाटील)- माहिती अधिकार दिनानिमित्त महाराष्ट्र शासनाच्या निर्देश व सुंचनेनुसार चाळीसगाव तहसिल कार्यालयात माहिती अधिकाराची माहिती स्वत:हून माहिती अधिकार अधिनियमान्वये स्वयंप्रेरणेने संकेतस्थळावर प्रकट करण्यांसह माहिती नियमितपणे प्रसिध्द जाहीर करण्यांत येणार आहे. तसेच अधिकाधिक माहिती नागरिकांना उपलब्ध होण्याच्या दृष्टीने सर्व शासकीय कार्यालयांत प्रत्येक सोमवारी दुपारी 3 ते 5 या वेळेत माहिती अधिकार अधिनियम 2005 अंतर्गत विहीत प्रक्रियेनुसारव त्यांच्या मागणीनुसार अभिलेख अवलोकनासाठी उपलब्ध करण्यांत येणार आहे अशी माहिती तहसीलदार प्रशांत पाटील यांनी दिली.गुरूवारी 28 रोजी चाळीसगाव तहसील कार्यालयात माहिती अधिकार दिन साजरा करण्यात आला. त्यावेळी त्यांनी ही माहिती दिली.
कामकाजामध्ये अधिकाधिक पारदर्शकता आणि उत्तरदायित्व निर्माण करण्यासाठी प्रत्येक शासकीय कार्यालयाने माहिती अधिकार अधिनियम 2005 ची माहिती स्वत:हून जाहीर नियोजन करण्यांत येणार आहे. नागरिकांना शासकीय कामकाजाची माहिती सहज व सुलभ पध्दतीने मिळावी यासाठी माहितीचा अधिकार अधिनियम 2005 लागू करण्यात आलेला आहे. अधिनियमातील कलम 4 अन्वये नागरिकांना माहितीचा अधिकार मिळणे सोईचे होईल अशा रितीने आणि स्वरुपात सर्व अभिलेख योग्य रितीने सूचिबध्द व नागरिकांना माहिती सुलभतेने मिळण्यासाठी प्रभावी अंमलबजावणी करण्यासाठी उपाययोजना नियोजन करण्यांत येत आहे.माहिती अधिकार अधिनियम कलम 4 (1) (ख) नुसार प्रत्येक सार्वजनिक प्राधिकरणाने प्रसिध्द करावयाच्या विहीत केलेल्या 17 बाबी प्रसिध्द करणेत येवून तसेच वेळोवेळी अद्ययावत करण्याची कार्यवाही करण्यासह या बाबीची अंमलबजावणी केल्यानंतर बहुतांश माहिती जनतेसाठी उपलब्ध होईल.
माहिती अधिकार अधिनियमाची प्रभावी अंमलबजावणी तालुका, मंडळ, गाव पातळीवरील विविध शासकीय कार्यालयात होणार असल्याने याकडे विभागप्रमुख, कार्यालयप्रमुख यांनी कटाक्षाने लक्ष द्यावे. असे निर्देशही सर्व क्षेत्रिय अधिकारी यांना देण्यांत आले आहेत. नागरीकांनी माहितीच्या अधिकाराचा लाभ घ्यावा असे आवाहन प्रथम अपिल अधिकारी तथा तहसिलदार प्रशांत पाटील व जन माहिती अधिकारी तथा नायब तहसिलदार जितेंद्र धनराळे यांनी आवाहन केले आहे. यावेळी प्रंलबित जनमाहितीचे सर्व अर्जदार तसेच या दिनानिमीत्त आलेले सर्व नागरिकांना उपलब्ध करुन देण्यांत आले व त्यांचे समस्याचे निकारण करण्यांत आले.हा दिन साजरा करतांना तहसिल कार्यालयातील सर्व सहाय्यक जन माहिती अधिकारी व कार्यालयीन कर्मचारी उपस्थित होते.