आशाताई बच्छाव
देगलुर येथे सहाय्यक जिल्हाधिकारी म्हणून
कुलदीप जंगम यांची वर्णी
नांदेड जिल्हा प्रतिनिधी मनोज बिरादार
देगलूर:देगलूर येथील सहाय्यक जिल्हाधिकारीपदी सन २०२० च्या तुकडीचे आयएएस अधिकारी कुलदीप जंगम यांची नियुक्ती करण्यात आली आहे. राज्याचे अप्पर सचिव यांनी ही नियुक्ती केली आहे. कुलदीप जंगम हे सध्या औरंगाबाद जिल्ह्यातील सिल्लोड येथे उपविभागीय अधिकारी म्हणून कार्यरत
आहेत.
आयएएस अधिकारी असलेल्या सौम्या शर्मा या देगलूरहून सहा महिन्यापूर्वी नागपूर येथे बदलीवर गेल्यानंतर देगलूरचे उपविभागीय अधिकारी पद हे बिलोलीचे उपविभागीय अधिकारी सचिन गिरी यांच्याकडे अतिरिक्त पदभार म्हणून देण्यात आले होते. आता देगलूरच्या सहाय्यक जिल्हाधिकारी पदी सन २०२० च्या तुकडीचे आयएएस अधिकारी असलेले कुलदीप जंगम यांची नियुक्ती झाली आहे. ते मूळचे कर्नूल (आंध्र प्रदेश) जिल्ह्यातील रहिवासी आहेत. देगलूर येथे आयएएस अधिकारी येण्याची परंपरा जंगम यांच्यामुळे कायम राहिली आहे. अत्यंत शिस्तीचे व अवैध धंदे, गौण खनिज माफियांचे कर्दनकाळ अधिकारी म्हणून परिचित असलेले जंगम हे देगलूरमधील प्रशासनाची बिघडलेली घडी कशी बसवतात याकडे लक्ष लागले आहे.