आशाताई बच्छाव
आरोग्य विभागातील स्त्री परिचर कर्मचाऱ्यांना सेवेत कायम करण्याची मागणी!!
श्रीमती आशाताई बच्छाव
मालेगांव- आरोग्य विभागातंर्गत येणाऱ्या प्राथामिक आरोग्य केंद्र,उपकेंद्रे,ग्रामीण रुग्णालयात वर्षानुवर्षेपासून कार्यरत असलेल्या स्त्री परिचर कर्मचाऱ्यांना जिल्हा परिषदेच्या सेवेत कायमस्वरुपी समाविष्ट करण्यात यावे अशी मागणी आयटक युनियनचे राजु देसले यांनी शासनाकडे एका निवेदनाव्दारे केली आहे. शासनाला सादर केलेल्या निवेदनात म्हटले आहे की,कोरोना काळात अत्यल्प मानधनावर सेवाधर्म जोपासणा-या स्त्री परिचर कर्मचाऱ्यांना दरमहा १०,०००/- दहा हजार रुपये मानधन देण्यात यावे,आणि स्त्री परिचर कर्मचाऱ्यांना जिल्हा परिषदेच्या सेवेत कायमस्वरुपी नियुक्त करण्यात यावे,अशा स्वरुपाच्या मागण्या या निवेदनातून करण्यात आल्या आहेत.दरम्यान नाशिक जिल्ह्याचे पालकमंत्री दादा भुसे यांना आयटकच्या पदाधिका-यांनी आज वरील मागण्याबाबत निवेदन सादर केले आहे.
