आशाताई बच्छाव
पुर बूडी मदतीपासून वंचित राहिलेल्यांचे पुन्हा सर्व्हेक्षण होणार
आमदार डॉक्टर देवरावजी होळी यांच्या विनंतीनुसार मुख्यमंत्र्यांचे जिल्हाधिकाऱ्यांना निर्देश गडचिरोली,(सुरज गुंडमवार ब्युरो चीफ युवा मराठा न्युज नेटवर्क)
प्रलंबित कामांसाठी व नवीन प्रस्तावित कामांसाठी निधी उपलब्ध करून द्या
गडचिरोली पोलीस विश्रामगृहात आमदार डॉक्टर देवरावजी होळी यांनी घेतली मुख्यमंत्र्यांची भेट
मुख्यमंत्री ना. एकनाथजी शिंदे यांच्याशी गडचिरोली जिल्ह्याच्या विविध प्रश्नावर आमदार देवरावजी होळी यांची चर्चा
गडचिरोली, चामोर्शी व धानोरा येथील प्रशासकीय भवनांसाठी निधी उपलब्ध करून देणार
गडचिरोली जिल्ह्यातील गोंडवाना विद्यापिठाच्या जागेचा प्रश्न, जलसिंचनाच्या समस्या, इत्यादी प्रलंबित कामे तसेच गडचिरोली चामोर्शी व धानोरा येथील प्रस्तावित प्रशासकीय भवनांसाठी तातडीने निधी उपलब्ध करून देण्याची विनंती आमदार डॉक्टर देवरावजी होळी यांनी केली असता आपल्या मागणीनुसार लवकरच निधी उपलब्ध करून दिला जाईल असे मुख्यमंत्र्यांनी आमदार महोदयांना आश्वासित केले. तसेच पूर् बुडी मदतीपासून वंचित राहिलेल्या शेतकऱ्यांचे पुन्हा सर्वेक्षण करून त्यांना तातडीने मदत करण्याबाबतचे निर्देश मुखयमंत्र्यांनी जिल्हाधिकाऱ्यांना दिले.
जिल्ह्यातील शेतकऱ्यांना पूर बुडीची शासकीय मदत मिळणे सुरू झाली आहे.मात्र काही शेतकऱ्यांना प्रशासकीय कर्मचाऱ्यांच्या दुर्लक्षपणामुळे व बेजबाबदारपणामुळे मदतीपासून वंचित राहावे लागले आहे ही बाब आमदार महोदयांनी मुख्यमंत्र्यांच्या निदर्शनास आणून दिली असता त्यांनी याबाबत तातडीने सर्वेक्षण करण्याचे जिल्हाधिकाऱ्यांना निर्देश केले
आमदार महोदयांनी गडचिरोली जिल्ह्याच्या दौऱ्यावर आलेले मुख्यमंत्री नामदार एकनाथ शिंदे यांचे गडचिरोली पोलीस विश्रामगृहात पुष्पगुच्छ देऊन स्वागत केले व त्यानंतर त्यांच्याशी जिल्ह्यातील विविध प्रश्नांवर विस्तृत चर्चा केली
गोंडवाना विद्यापीठाच्या जमिनीच्या अधिग्रहणाचा प्रश्न अत्यंत गंभीर असून त्याकडे तातडीने लक्ष देऊन तो निकाली काढण्याचे निर्देशही त्यांनी यावेळी जिल्हाधिकाऱ्यांना दिले धानोरा व चामोर्शी येथील प्रशासकीय भवनांसाठी प्रत्येकी ५ कोटी तर गडचिरोली येथील प्रशासकीय भवनासाठी १० कोटी रुपयांचा निधी उपलब्ध करून दिला जाईल असे आश्वासनही त्यांनी आमदार महोदयांना दिले.
