आशाताई बच्छाव
युवा मराठाचे बाळासाहेब निकम हल्लाप्रकरण ;अखेर गावगुंडावर गुन्हा दाखल!
कुणाचाही अन्याय खपवून घेतला जाणार नाही!-राजेंद्र पाटील राऊत
कळवण,(शांताराम गायकवाड)-युवा मराठा न्युजचे कळवण तालुका प्रतिनिधी बाळासाहेब निकम यांचेवर दि.३ आँक्टोबर रोजी रवळजी गावी झालेल्या प्राणघातक हल्ल्याचा आज मंगळवारी राष्ट्रीय युवा मराठा पत्रकार महासंघाने कळवण येथे निवेदने दाखल करीत तीव्र निषेध केला.
महासंघाने दिलेल्या निवेदनात म्हटले आहे की,आम्ही यापुढे कुणाचाही अन्याय खपवून घेणार नाही.जशास तसे उतर दिले जाईल.बाळासाहेब निकम यांचेवरील हल्लेखोराना तात्काळ अटक न केल्यास १२ आँक्टोबर पासून तहसील कार्यालय कळवण येथे आमरण उपोषण छेडण्याचा इशारा निवेदनातून देण्यात आला आहे.दरम्यान महासंघाचे संस्थापक अध्यक्ष राजेंद्र पाटील राऊत यांनी कळवण पोलिस स्टेशनला भेट देताच गावगुंड भास्कर भिका भालेराव व त्याच्या टोळभैरवाविरुध्द दंगलीचा व अँट्रासिटी भा.दं.वि.कलम १४३,१४७,१४९,३२३,आणि अनुसुचीत जाती व अनुसुचीत जमाती अत्याचार प्रतिबंधक कायदा कलमनुसार गुन्हा दाखल करण्यात आला असून, गुन्हेगारांना तात्काळ अटक करण्याची मागणी महासंघाने निवेदनाव्दारे केली आहे.यावेळी वरिष्ठ उपसंपादक आनंद नागमोती,विजय बागुल प्रतिनिधी डांगसौंदाणे,संभाजी वाघ प्रतिनिधी मोकभणगी,शांताराम गायकवाड प्रतिनिधी दळवट आदीजण बहुसंख्येने हजर होते.
