आशाताई बच्छाव
व-हाणे प्रश्नावर राष्ट्रीय पँथर सेनेचा आंदोलनाचा इशारा!
मालेगांव,(प्रतिनिधी)- व-हाणे,ता.मालेगांव येथील पत्रकार भवन जागेच्या प्रश्नासह गावातील दलित आदिवासी वस्ती सुधार निधीची चौकशी व वाचनालयास दिलेली बेकायदेशीर जागेची कसून चौकशी करण्याबरोबरच वादग्रस्त ग्रामसेविका सुवर्णा सांळुखे यांना तात्काळ निलंबित करण्याच्या मागणीसाठी काल मालेगांव पंचायत समिती येथे राष्ट्रीय पँथर सेनेने निवेदन दाखल केले.
सेनेचे जिल्हाध्यक्ष दिपकभाई सोनवणे आपल्या निवेदनात म्हटले आहे की,राष्ट्रीय युवा मराठा महासंघाने पुकारलेल्या आमरण उपोषण आंदोलनात दिलेल्या लेखी आश्वासनाची त्वरीत अंमलबजावणी करुन आश्वासनपूर्ती करावी अन्यथा पंचायत समिती कार्यालयासमोर राष्ट्रीय पँथर सेनेच्या नाशिक जिल्हा शाखेच्या वतीने तीव्र स्वरुपाचे आंदोलन छेडण्यात येईल असा इशारा जिल्हाध्यक्ष दिपकभाई सोनवणे यांनी दिला आहे.यावेळी राष्ट्रीय पँथर सेनेचे पदाधिकारी उपस्थित होते.
