आशाताई बच्छाव
पुढील तीन दिवस गुंजणार चामोर्शीत देशभक्तीपर गीत
आमदार डॉक्टर देवरावजी होळी गडचिरोली,(सुरज गुंडमवार ब्युरो चीफ युवा मराठा न्युज नेटवर्क)
चामोर्शी पोलीस स्टेशन व आमदार डॉक्टर देवरावजी होळी यांच्या जनसंपर्क कार्यालयातर्फे सेल्फी पॉईंट व देशभक्तीपर गीतांचा संयुक्त उपक्रम
स्वातंत्र्याच्या अमृत महोत्सवानिमित्त आमदार डॉक्टर देवरावजी होळी यांच्या जनसंपर्क कार्यालय व चामोर्शी पोलीस स्टेशनच्या संयुक्त विद्यमाने हत्ती गेट जवळ सेल्फी पॉईंट व देशभक्तीपर गीताच्या कार्यालयाचे उद्घाटन करण्यात आले.
यावेळी चामोर्शीचे पोलीस निरीक्षक शेवाळे साहेब, भाजपा तालुका महामंत्री साईनाथ जी बुरांडे ज्येष्ठ नेते जय रामजी चलाख, यांचे सह चामोर्शी पोलीस स्टेशनचे अधिकारी भारतीय जनता पार्टीचे पदाधिकारी कार्यकर्ते प्रामुख्याने उपस्थित होते.
या कार्यालयामध्ये पुढील ३ दिवस सातत्याने देशभक्तीपर गीतांच्या कार्यक्रमाचा धुमधडाका सुरू राहणार असल्याची माहिती आमदार डॉक्टर देवरावजी होळी यांनी दिली. तसेच हत्ती गेट जवळील या सेल्फी पॉईंटच्या चामोर्शी वासीयांनी लाभ घेऊन स्वतःचे सेल्फी काढून सोशल मीडियावर टाकून घरघर तिरंगा अभियानाचा प्रसार करावा असे आवाहन त्यांनी यावेळी केले.
