आशाताई बच्छाव
बार्शी येथे भुयारी गतरी योजनेसाठी* *शासनाने ११२.४० कोटी रुपये मंजूर केले.
आ.राजेंद्र राऊत
युवा मराठा न्यूज नेटवर्क सोलापूर जिल्हा चीफ ब्युरो महादेव घोलप.
बार्शी नगरपरिषदेच्या माध्यमातून, बार्शी शहरासाठी ११२.४० कोटी रुपयांचा भुयारी गटार योजनेचा महत्वकांक्षी प्रकल्प राबविण्यात येत आहे.
या योजनेसाठी शासनाने ११२.४० कोटी रुपये मंजूर केले होते. या योजनेमध्ये १८.५ दशलक्ष लिटरचे मल शुद्धीकरण केंद्र, उपळाई रोड शेंडगे प्लॉट येथे झोन १ चे पंपगृह, अंबराई नाला येथे झोन ३ साठीचे पंपगृह व मलशुद्धीकरण केंद्र येथे झोन २ चे पंपगृह उभारण्यात आले आहे.
तसेच या योजनेद्वारे बार्शी शहरामध्ये १२२ किलोमीटर मल निस्सारण वाहिनी टाकण्याचा समावेश होता. सदरची सर्व कामे पूर्ण झाली असून, मल शुद्धीकरण केंद्र कार्यान्वित करण्यात आले आहे.
महाराष्ट्रात बार्शी नगर परिषदेची सर्वात उशिरा मंजूर झालेली व सर्वात अगोदर कार्यान्वित होणारी ही योजना प्रथम ठरली आहे. सदर योजनेची चाचणी घेण्यात आली असून, या संपूर्ण योजनेची पाहणी व मलशुद्धीकरण केंद्र प्रक्रिया होणाऱ्या पाण्याची तपासणी प्रत्यक्ष ठिकाणी जाऊन केली.असे आमदार राजेंद्र राऊत यांनी सांगितले.
