आशाताई बच्छाव
शिवकल्याण संस्थेच्या वतीने चिमुकल्यांना दिले योगाचे धडे.
गडचिरोली,(सुरज गुंडमवार ब्युरो चीफ युवा मराठा न्युज नेटवर्क)// नेहरू युवा केंद्र गडचिरोली, शिवकल्याण युथ मल्टिपरपज डेव्हलपमेंट असोसिएशन आणि सनराईज स्कूल, गडचिरोली च्या वतीने सामूहिक रित्या आंतरराष्ट्रीय योग दिन साजरा करून चिमुकल्यांना योगाचे धडे देण्यात आले. लहान मुले ही उद्याचा भविष्य आहे त्यामुळे योग्य वेळेत योग्य संस्कार झाले तर उद्याचा भारत सुदृढ आणि निरोगी होऊ शकतो. त्या करिता शिवकल्याण संस्थेच्या वतीने सनराईज स्कूल च्या लहान चिमुकल्यांना योगाचे धडे देऊन आंतरराष्ट्रीय योग दिन साजरा करण्यात आला. संस्थाध्यक्ष अनुप कोहळे यांनी योगाचे महत्व पटवून योग प्रात्यक्षिके करून दाखवले. यावेळी सनराईज च्या मुख्याध्यापिका शीतल ठवरे मॅडम, प्रा.दिक्षा रामटेके, प्रा.मीनाक्षी भुरले, प्रा. लीलाताई बोरकर, प्रा.मनीषा झोडे, प्रा.प्रती सूर्यवंशी सामाजिक कार्यकर्ते भूषण कुनघाडकर, रोशन कोहळे, नेहरू युवा केंद्र समन्वयक कैलास वनकावार, गीताताई निलेकर, किरण शेंडे सह अनेक मान्यवर व मोठ्या संख्येने विद्यार्थी उपस्थित होते. लहान चिमुकल्यांना योग प्रात्यक्षिकेसह स्वच्छतेचे देखील महत्व सांगण्यात आले व उपस्थितांना खावू वाटप करून कार्यक्रमाची सांगता करण्यात आली.
