आशाताई बच्छाव
नगर परिषदेची बेफीकीरी उजेडात : नळातून आले मासाचे तुकडे लोकांच्या घरी
गडचिरोली,(सुरज गुंडमवार ब्युरो चीफ युवा मराठा न्युज नेटवर्क) : सुरक्षेअभावी पाण्याच्या टाकीत पडून मृत्यू झालेल्या तरुणाचा मृतदेह पाईपलाईन आढळून आल्यानंतर स्वतः चे कातडे वाचविण्यासाठी सावरासावर करणाऱ्या नगर परिषद प्रशासनाची लक्तरे वेशीवर पडण्याचे थांबता थांबत नसून पाण्याची टाकी स्वच्छ केल्याचा कांगावा करणाऱ्या मुख्याधिकारी विशाल वाघ यांचा फोलपणा दाखवून देणारा प्रसंग आज सकाळी उघडकीस आला आहे.
आज नगर परिषदेच्या पाणीपुरवठा विभागाने विवेकानंद नगरातील पाण्याच्या टाकीतून पाणी वाटप सुरू केले असता नळाच्या पाण्यासह मासाचे तुकडे काही लोकांच्या घरी पोहचलो. ही बाब महाराष्ट्र माझा चे संपादकांना माहीत होताच त्यांनी घटनास्थळी भेट देऊन पाहणी केली असता खरोखरच मासाचे तुकडे नळाच्या पाण्यासह आले असल्याचे दिसले. त्यांनी ही बाब मुख्याधिकारी विशाल वाघ यांच्या लक्षात आणून दिली असता माहिती घेतो,असे उत्तर दिले.
