राजेंद्र पाटील राऊत
मनोर येथील लोकसेवा केंद्र बीरसायत नव्या कार्यालय स्थलांतरीत. पालघर,(वैभव पाटील विभागीय संपादक युवा मराठा न्युज नेटवर्क)-
आदिवासी एकता मित्र मंडळ मनोर मध्ये लोकसेवा केंद्राची स्थापना करून नव्या कार्यालयात लोकार्पण, संघटना अनेक सामाजिक कामात पुढाकार घेत असते,
संघटनेचे काम सुरू झाल्या नंतर असे लक्ष्यात आले की सामान्य माणसाला एखादा अर्ज लिहायचा असेल ,बँकेचा फॉर्म किंवा पावती भरायची असेल,विविध दाखले काढायचे असतील तर पैसे भरून ही कामे करून घ्यावी लागतात.त्यात जातीचा दाखला किंवा तहसीलदार चे तत्सम दाखले कसे काढावेत याची माहिती नसल्याने खूप वणवण सामान्य माणसाला सहन करावी लागत असे ही समस्या ओळखून मंडळाच्या वतीने पाच वर्षां पूर्वी लोकसेवा केंद्र सुरू करण्यात आले.
या लोकसेवा केंद्रात विविध प्रकारचे अर्ज लिहून देणे,बँकेचे फॉर्म – पावती भरून देणे,जातीचा दाखला – उत्पन्न दाखला – रेशन कार्ड – जन्म दाखला – संजय गांधी शाखेतील विविध योजना अशी विविध कामे कुठलेही शुल्क न घेता करून दिली जातात तसेच या कामांचे मार्गदर्शन केले जाते.ही कामे प्रतिदिन साधारण 20 च्या घरात असतात.
आता आपले हे लोकसेवा केंद्र मंडळाचे मुख्य संपर्क कार्यालय बिरसायत येथे स्थलांतरित केले असून त्या ठिकाणाहून ही सर्व कामे केली जात आहेत
संतोष जनाठे विश्वस्त मंडळ व कार्यकारी समिती.
