राजेंद्र पाटील राऊत
सुरगाणा तालुक्यात कृषी अधिकारी शेतात जाऊन करताहेत नुकसान ग्रस्त शेतीची पाहणी. (युवा मराठा न्युज तालुका प्रतिनिधी -पांडुरंग गायकवाड )
गेल्या आठ दिवसापूर्वी महाराष्ट्रात आलेल्या गुलाब चक्रीवादळाने शेतकरी वर्गाचे खुप मोठया प्रमाणात नुकसान झाले आहे. सुरगाणा तालुक्यातील सराड या गावात उशिरा का होईना तालुक्यातील कृषी सहायक गायकवाड मॅडम यांनी सराड गावातील नुकसान ग्रस्त शेतीचे पिक पाहणी केली. पाहणी दरम्यान टोमॅटो, सोयाबीन, हलक्या प्रतीचे भात या पिकांचे खुप मोठे नुकसान झालेलं दिसून आले आहे. नुकसान झालेल्या पिकाचे पंचनामे तर झालेत परंतु त्याची भरपाई शेतकऱ्यांना कधी मिळते यापुढे मात्र प्रश्न चिन्ह आहे. नुकसान ग्रस्त शेतीचे पंचनामे करत असताना कृषी सहायक गायकवाड मॅडम, सराड गावचे पोलीस पाटील कांतीलाल भोये, माजी सरपंच प्रशांत भोये, शेतकरी पांडू हाडस, पंडित भोये, आदी उपस्थित होते.