राजेंद्र पाटील राऊत
१ ते १५ मे दरम्यान जप्त केलेली वाहने सोडणार : पोलीस उपायुक्त कडुकर
युवा मराठा न्यूज नेटवर्क सोलापूर जिल्हा प्रतिनिधी महादेव घोलप.
सोलापूर (२५ मे) – सोलापूर शहर पोलीस आयुक्तालयाच्या हद्दीत १ ते १५ मे २०२१ दरम्यान विनाकारण फिरणाऱ्यांचे वाहन जप्त करण्यात आले होते. ही वाहने आजपासून सोडण्यात येणार असल्याची माहिती पोलीस उपायुक्त वैशाली कडुकर यांनी दिली आहे.
१ ते १५ मे २०२१ दरम्यान जप्त केलेल्या वाहनांची संख्या अंदाजे ३०० ते ४०० असून यात दुचाकी, रिक्षा तसेच फोर व्हीलर आहेत. अशा वाहनधारकांनी त्यांना मिळालेली २०७ नोटीस व वाहनांचे कागदपत्रांसहित संबंधित पोलीस स्टेशनमध्ये संपर्क साधल्यास त्यांची वाहने सोडण्यात येणार असल्याची माहिती उपायुक्त वैशाली कडुकर यांनी दिली.
