राजेंद्र पाटील राऊत
चारित्र्याच्या संशयावरून पतीने पत्नीचा मोबाईल चार्जरच्या वायरने गळा आवळून खून
(मोहन शिंदे ब्युरो चीफ युवा मराठा न्युज नेटवर्क)
कोल्हापूर : चारित्र्याच्या संशयावरून पतीने पत्नीचा मोबाईल चार्जरच्या वायरने गळा आवळून खून केल्याची घटना जयसिंगपूरजवळ धरणगुत्ती ता.शिरोळ येथे घडली. अर्चना चेतन घोरपडे (वय २५, रा. जयप्रकाश हौसिंग सोसायटी) असे तिचे नाव आहे. खुनानंतर पती चेतन मनोहर घोरपडे (वय ३०) याने विषारी औषध पिऊन आत्महत्येचा प्रयत्न केला. त्याच्यावर सांगली सिव्हिल रुग्णालयात उपचार सुरू आहेत. ही घटना शनिवारी सकाळी अकराच्यासुमारास घडली. याबाबतची तक्रार वासंती प्रकाश पुजारी (रा. विजयसिंहनगर, शिरोळ) यांनी पोलिसांत दिली.
पोलिसांनी सांगितले की, मूळची शिरोळ येथील असलेली अर्चना हिचा जयसिंगपूर येथील चेतन घोरपडे याच्याशी आठ वर्षांपूर्वी प्रेमविवाह झाला होता.
शिरोळ : चारित्र्याच्या संशयावरून पतीने पत्नीचा मोबाईल चार्जरच्या वायरने गळा आवळून खून केल्याची घटना जयसिंगपूरजवळील धरणगुत्ती येथे घडली. अर्चना चेतन घोरपडे (वय २५, रा. जयप्रकाश हौसिंग सोसायटी) असे तिचे नाव आहे. खुनानंतर पती चेतन मनोहर घोरपडे (वय ३०) याने विषारी औषध पिऊन आत्महत्येचा प्रयत्न केला. त्याच्यावर सांगली सिव्हिल रुग्णालयात उपचार सुरू आहेत. ही घटना शनिवारी सकाळी अकराच्यासुमारास घडली. याबाबतची तक्रार वासंती प्रकाश पुजारी (रा. विजयसिंहनगर, शिरोळ) यांनी पोलिसांत दिली.
पोलिसांनी सांगितले की, मूळची शिरोळ येथील असलेली अर्चना हिचा जयसिंगपूर येथील चेतन घोरपडे याच्याशी आठ वर्षांपूर्वी प्रेमविवाह झाला होता.
तीन वर्षांपासून दोघेजण जयप्रकाश हौसिंग सोसायटी येथील श्रीकांत जाधव यांच्या घरी भाड्याने राहत होते. गेल्या दोन महिन्यांपासून पती-पत्नीमध्ये वाद सुरू होते. या वादातूनच अर्चना दहा दिवसांपूर्वी शिरोळला माहेरी गेली होती. शनिवारी सकाळी औद्योगिक वसाहतीत कामावर ती गेली होती. तिला चेतन आपल्या घरी घेऊन गेला होता. मोबाईल चार्जरच्या वायरने तिचा गळा आवळला. त्यानंतर ब्लेडने हाताची नस कापून गळ्यावरदेखील वार केल्यामुळे अर्चना जागीच ठार झाली. संशयित चेतन हा काकासोबत जयसिंगपूर पोलिसांत आल्यानंतर खुनाची घटना उघडकीस आली. त्यानंतर शिरोळ पोलिसांनी घटनास्थळी पंचनामा केला. संशयित चेतन याच्यावर सांगली सिव्हिल रुग्णालयात उपचार सुरू असून, त्याची प्रकृती स्थिर आहे.
युवा मराठा न्युज नेटवर्क .