राजेंद्र पाटील राऊत
समृद्धी प्रज्ञाशोध परीक्षेत कु. ऋतुजा हिरेचे यश निमगांव,(विशाल हिरे प्रतिनिधी युवा मराठा न्युज नेटवर्क)
टी. के. आर. एच. विद्यालयातील इ. १० वी (अ) ची विद्यार्थिनी कु. ऋतुजा हिरे हिने राज्यस्तरीय समृद्धी प्रज्ञाशोध ऑनलाइन परीक्षेत सहभाग नोंदवून घवघवीत यश प्राप्त केले.राज्यातील ५००० विद्यार्थी या स्पर्धेत सहभागी झाले होते.त्यापैकी ऋतुजा हिरेचा ८ वा क्रमांक आला. तिने या परीक्षेत १०० पैकी १०० गुण प्राप्त केले.या स्पर्धेत राजकीय, सामाजिक व शैक्षणिक क्षेत्रातील प्रश्न विचारण्यात आले होते.समृध्दी प्रज्ञा शोध विभागाकडून रोख स्वरूपात एक हजार रुपये व प्रमाणपत्र देण्यात आले. तिच्या या यशाबद्दल महात्मा गांधी विद्यामंदिर संस्थेचे सरचिटणीस आदरणीय डॉ.श्री.प्रशांत दादा हिरे,संस्थेचे समन्वयक मा.डॉ.श्री.अपूर्वभाऊ हिरे, युवानेते मा.श्री.अद्वयआबा हिरे, संस्थेचे विश्वस्त डॉ.श्री.सुभाष निकम यांनी अभिनंदन व कौतुक केले आहे.
कु. ऋतुजा हिरे हिला विद्यालयाचे मुख्याध्यापक श्री.आर.जे.निकम, उपमुख्याध्यापक श्री. आर.जी.पाटील, पर्यवेक्षक श्री.जी.ए.शेवाळे तसेच विद्यालयातील सर्व विज्ञान शिक्षक यांनी मार्गदर्शन केले. तसेच विद्यालयातील सर्व शिक्षक बंधू-भगिनी व शिक्षकेत्तर कर्मचारी तसेच पालक वर्गाकडून तिचे अभिनंदन व कौतुक होत आहे.