राजेंद्र पाटील राऊत
कोल्हापूर जिल्ह्यात अवकाळी पाऊस , नागरिकांनी व स्वेटर ऐवजी रेनकोट परिधान
कोल्हापूर जिल्ह्यात हिवाळ्यात अनेक भागांत सोमवारी अवकाळी पावसाने तडाखा दिला. कोल्हापूरसह जिल्ह्यात काही ठिकाणी रात्री काही काळ जोरदार पाऊस झाला. पावसामुळे अनेक भागांतील वीजपुरवठा खंडित झाला होता. पावसाने नागरिकांची तारांबळ उडाली. येत्या दोन दिवसांत जिल्ह्याच्या अनेक भागांत पाऊस होईल, अशी शक्यता आहे. हवामान बदलामुळे पाऊस पडत असल्याचे हवामान विभागाने म्हटले आहे.
तसेच पेठ वडगांव शहरातही रात्री पासुन आगमन केले आहे.
काल सकाळपासून आकाश ढगाळले होते. प्रारंभी धुके आणि त्यानंतर ढगाळ वातावरणाने दिवसभर सूर्यदर्शन झाले नाही. शहरातील तापमानातही लक्षणीय वाढ झाली. रविवारी १७ अंशांवरील पारा आज २१ अंशांवर गेला. यामुळे थंडी गायब झाली
अचानक पाऊस सुरू झाल्याने सायंकाळनंतर अनेकांनी स्वेटरऐवजी पुन्हा रेनकोट, छत्र्या बाहेर काढल्या. रस्त्यावरील भाजी विक्रेत्यांचे हाल झाले. अनेकांना विक्री बंद करावी लागली. सायंकाळनंतर अनेक ठिकाणी शुकशुकाट जाणवत होता. पावसाने काही ठिकाणी उशिरापर्यंत विजेचा लपंडाव सुरू होता.
मोबाईलवर सद्या एक गमतीदार मेसेज व्यहारल झाला आहे,
पावसाळ्याने उन्हाळ्या बरोबर हिवाळ्याशी युती करुन महापावसाळी आघाडी स्थापन
करून थंडी ला बहुमत असून सत्ते बाहेर केले आहे.
जर ३ पक्ष एकत्र येऊ शकतात तर ३ ऋतु का एकत्र येऊ शकत नाहीत . अशी नागरिकात चर्चा रंगताना बघावयास मिळत आहे.
युवा मराठा न्यूज नेटवर्क .
