राजेंद्र पाटील राऊत
नायगाव पांचाळ यांनी केले जागतिक दिव्यांग दिन साजरा
नांदेड, दि. ३ – राजेश एन भांगे
अपंग/दिव्यांग दिन ३ डिसेंबर रोजी जगभरात साजरा केला जातो तर सन १९९२ पासून संयुक्त राष्ट्रसंघातर्फे जाहीर केला गेला.
नायगांव येथे सामाजिक कार्यकर्ते शिवानंद पांचाळ नायगांवकर यांनी या दिवसाच्या औचित्य साधून दिव्यांग बांधवांचा सन्मान व्हावा म्हणून शहरातील दिव्यांग बांधव अशोक संभाजी वन्ने यांचा आपुलकीने पुष्पहार देऊन व मिठाई देऊन त्यांचा सत्कार व सन्मान केला आणि त्यांच्या प्रेरणादायी जीवनाची प्रशंसा केली, यावेळी सचिन फुलारी, विठ्ठल सोंनटक्के, मारोती वंगरवार, काटेकर देशमुख , शेख मैनूसाब आदी बांधव व सामाजिक कार्यकर्ते उपस्थित होते. दिव्यांग बांधव अशोक संभाजी वन्ने हे दोन्ही पायांनी अपंग असतानाही त्यांनी लढण्याची जिद्द कायम ठेवत गेल्या चाळीस वर्षांपासून नायगांव शहरातील दत्तनगर येथे टायर पंम्चर चे काम ते स्वतः सर्व छोटे मोठे वाहन टुव्हीलर गाडी चे टायर पंम्चर जोडण्यापासुन ते टायर खोल फिंटीग सह काम करून परिवाराचा उदरनिर्वाहासाठी हातभार लावत आहेत, अशोक संभाजी वन्ने हे बांधव दोन्ही पायांनी अपंग असतानाही व अनेकांसाठी आदर्शवत ठरणारे आहेत मनात लढण्याची ताकद जिंकण्याची जिद्द आणि स्वाभिमान असेल तर जीवन जगणे सहज सोपे होते, अशी शिकवण जणू त्यांनी अनेकांना दिली आहे, अपंगांना समाजात मानाचे स्थान मिळावे, आपण जे करू शकतो ते सर्व काही तेही करू शकतात म्हणूनच त्यांना सहानुभूतीची नाही तर आपुलकीची गरज आहे, कोणताच दिव्यांग बांधव कमकुवत नसतो त्याच्याकडे अफाट अशी उर्जा असते फक्त आपण त्यांच्याकडे बघण्याचा दृष्टीकोन बदलून त्यांना आपल्यात सामावून घेण्याचे काम आपण सर्वांनी केले पाहिजे, असे मत सामाजिक कार्यकर्ते शिवानंद पांचाळ यांनी व्यक्त केले,
