आशाताई बच्छाव
श्रीक्षेत्र देवगाव शनी येथे ३० जुलै पासून योगिराज सद्गुरु श्री गंगागिरीजी महाराज १७८ वा अखंड हरिनाम सप्ताह
गिनिज बुक ऑफ वर्ल्ड रेकॉर्डमध्ये नोंद असलेला अखंड हरिनाम सप्ताह
दैनिक युवा मराठा
निफाड नाशिक रामभाऊ आवारे तालुका प्रतिनिधी
जागृत देवस्थान श्री शनैश्वर महाराज यांच्या पवित्र पावनभूमीत गोदातिरी वारकरी सांप्रदायाचा महाकुंभ संबोधला जाणारा योगिराज सद्गुरु श्री गंगागिरीजी महाराज १७८ वा अखंड हरिनाम सप्ताह श्रीक्षेत्र देवगांव शनि व सप्तकृषी चेंडूफळ, बाजाठाण, अव्वलगाव, हमरापूर, भामाठाण, कमालपूर ता. वैजापूर, जि. छ.संभाजीनगर येथे बुधवार दि. ३० जुलै २०२५ ते बुधवार दि. ६ ऑगस्ट २०२५ या कालावधीत होणार असून ८ ते १० हजार टाळकऱ्यांच्या उपस्थितीत अखंड ७ दिवस भजन तसेच प. पू. गुरुवर्य महंत स्वामी रामगिरीजी महाराज यांच्या अमृतवाणीतुन दररोज दुपारी १ ते २ वाजेपर्यंत प्रवचन तसेच एकादशीनिमित्त दुपारी २ ते ४ या वेळेत सुश्राव्य किर्तन तसेच ६ ऑगस्ट २०२५ रोजी सकाळी १० वा. लाखो भाविकांच्या उपस्थित काल्याचे किर्तन होणार आहे तरी आपण या अभुतपूर्व सोहळ्याचा लाभ घेवून भगवंताचरणी आपली उपस्थिती नोंदवावी असे आवाहन करण्यात आले आहे.
दैनंदिन कार्यक्रमात दररोज सकाळी ९.०० ते ११.०० वा. किर्तन, दुपारी १.०० वा. प्रवचन व दुपारी २.०० ते ४.०० वा. किर्तन होणार असून ८ ते १० हजार टाळकऱ्यांच्या उपस्थितीत अखंड ७ दिवस भजन होणार आहे.
सप्ताह काळात दररोज लाखो भाविक आमटी भाकरीचा आस्वाद घेतात. तसेच एकादशी निमित्त ८ ते १० लाख भाविक फराळाचा महाप्रसाद घेतात. त्याचप्रमाणे काल्याच्या दिवशी १० ते १२ लाख भाविक महाप्रसाद घेतात.
