आशाताई बच्छाव
श्री.अनिल बागुल सर यांचा बहुजन समाज पार्टी पक्षात जाहीर प्रवेश
श्रीरामपूर दिपक कदम तालुका प्रतिनिधी –राजर्षी शाहू महाराज यांच्या जयंतीनिमित्त कोल्हापूर येथील आयोजित कार्यक्रमामध्ये बहुजन समाज पार्टीच्या वतीने अभिवादन सोहळ्याचे आयोजन करण्यात आले होते. महाराष्ट्रातील गावागावातून, खेड्यापाड्यातील बहुजन समाज पार्टीच्या भीमसैनिकांनी आणि माता भगिनींनी हजेरी लावली होती. या भव्यदिव्य कार्यक्रमाला महाराष्ट्र समन्वयक मा.खा. राजाराम साहेब, महाराष्ट्र प्रभारी मा. ॲड. सुनिल डोंगरे साहेब, बहुजन समाज पार्टी पुणे झोन प्रभारी मा. शिक्षण उपसंचालक तथा महाराष्ट्र सचिव मा. रामचंद्र जाधव साहेब, पुणे झोन प्रभारी मा.हुलगेश चलवादी साहेब, विविध झोन प्रभारी तसेच अहिल्यानगर जिल्ह्याचे जिल्हाध्यक्ष मा.सुरेश कांबळे, विविध जिल्ह्यांतील जिल्हाध्यक्ष, जिल्हा प्रभारी मा. सुनिल ओहळ आदींच्या उपस्थितीत श्री. अनिल बागुल सर यांचा बहुजन समाज पार्टी या पक्षात जाहीर प्रवेश केला. बहुजन समाज पार्टीचे मा. खा. राजाराम, प्रदेश अध्यक्ष ॲड. सुनिल डोंगरे, शिक्षण उपसंचालक पुणे झोन प्रभारी रामचंद्र जाधव साहेब यांनी श्री . अनिल बागुल सर यांचे जिल्हा प्रसिद्धी प्रमुख तसेच जिल्हा कोषाध्यक्ष या दोन महत्त्वाच्या पदावर नियुक्ती करुन पक्षात आल्याबद्दल स्वागत केले , आणि पक्षाच्या भरीव कार्यासाठी शुभेच्छा दिल्या. उपाध्यक्ष शहवाज पठाण, सचिव चंद्रकांत दोंदे, आकाश शेंडे, उमाकांत यादव, विधानसभा अध्यक्ष जाकिरभाई शहा , विधानसभा प्रभारी सुनिल मगर, मच्छिंद्र ढोकणे, बबनराव बोरगे, भारत त्रिभुवन, शेंडगे मामा आदि जिल्ह्याचे पदाधिकारी यावेळी उपस्थित होते. मा. शिक्षण उपसंचालक पुणे झोन प्रभारी श्री. रामचंद्र जाधव साहेब तसेच जिल्हाध्यक्ष श्री. सुरेश कांबळे सर आदींच्या शुभहस्ते श्री. अनिल बागुल सर यांना नियुक्ती पत्र देण्यात आले. यावेळी अनिल बागुल सर यांनी पक्ष संघटन, पक्ष वाढीसाठी आपण या पुढे कायमच प्रयत्नशील राहून बहुजन समाज पार्टी राष्ट्रीय अध्यक्षा मा. मुख्यमंत्री बहेन मायावती यांनी दाखविलेल्या विश्वासाबद्दल धन्यवाद दिले.
