आशाताई बच्छाव
आरीफ डॉनची मलकापूरमध्ये धिंड ?शहर पोलिसांची धडाकेबाज कारवाई
युवा मराठा न्यूज बुलढाणा जिल्हा ब्युरो चीफ संजय पन्हाळकर
बुलडाणा :-मलकापूर
एखादा गुन्हेगार स्वतः ला कितीही मोठा डॉन समजत असला तरी कायद्यासमोर त्याची किंमत शून्य आहे, कायद्यापेक्षा कोणीच मोठा नाही, याचा प्रत्यय मलकापूर शहरवासियांना आला. सद् रक्षणाय खलनिग्रहणाय हे ब्रीदवाक्य तंतोतंत खरे ठरल्याचेही पोलिसांच्या कारवाईमुळे दिसून आले.
काही दिवसांपूर्वी शहरातील माळीपुरा भागातील अंमली पदार्थ तस्कर व कुख्यात गुन्हेगार आरीफ याने तलवारीने केक कापून वाढदिवस साजरा केला. आपली दहशत निर्माण व्हावी या हेतूने शहरभर या प्रसंगाचा व्हिडिओ व्हायरल केला. ही माहिती मिळताच ठाणेदार गणेश गिरी यांच्या आदेशाने तत्काळ पोलिसांची टीम घटनास्थळावर पोहोचली.
मात्र, शहर पोलिसांची टीम माळीपुरा भागात पोहोचल्यानंतर कुख्यात गुन्हेगार आरीफच्या साथीदारांना शहर पोलिसांशी वाद घालण्यास सुरुवात केली. जमलेला जमाव पोलिसांच्या अंगावर धावून आला. परिस्थितीचा फायदा घेऊन कुख्यात गुन्हेगार आरीफ तेथून पळून जाण्यात यशस्वी ठरला. तेथील जमावानेच वातावरणात तणाव निर्माण करत खराब करत
कुख्यात गुंड आरीफ डॉन च्या हातात बेड्या घालून शहर पोलिसांनी त्याची काढलेली धिंड ?, हा गुन्हेगारी प्रवृत्तीच्या लोकांना ठाणेदार गणेश गिरी यांनी दिलेला स्पष्ट ईशारा आहे. कायद्यात राहाल तर फायद्यात रहाल अन्यथा यापेक्षाही कडक कारवाईला सामोरे जाण्याची तयारी ठेवा, हा संदेश त्यांनी दिला आहे. गुन्हेगारांवर कायद्याचा वचक हा राहिलाच पाहिजे. अन्यथा शहरातील सुव्यवस्था डळमळीत होते. त्याचे दुरगामी परिणाम सामान्य नागरिकांना नाहक भोगावे लागतात हे सूर्यप्रकाशाइतकेच सत्य आहे. जिल्ह्याला लाभलेले आयपीएस पोलीस अधीक्षक निलेश तांबे व आयपीएस अप्पर पोलीस अधीक्षक श्रेणिक लोढा यांच्या कारकिर्दीत गुन्हेगारांची आता कसलीही गय केली जाणार नाही ही बाब मात्र अधोरेखित झाली आहे.
एकप्रकारे आरीफला पळून जाण्यासाठी अनुकूल वातावरण तयार केले असल्याच्या प्रतिक्रिया उमटत आहेत.
परिसरात निर्माण झालेली अशांतता पाहता पोलिसांना तिथून काढता पाय घ्यावा लागला. मात्र, त्यानंतर ठाणेदार गणेश गिरी यांनी पोलिसांचे एक पथक गठीत करून कुख्यात गुन्हेगार आरीफचे शोधकार्य वेगाने सुरू केले. ठाणेदार गिरी यांच्या पथकाने नियोजनबद्ध तपास करत अखेर २७ जून रोजी आरीफच्या मुसक्या आवळण्यात यश आले. मात्र, केवळ यावरच न थांबता ठाणेदार गिरी यांनी धडाकेबाज निर्णय घेतला.कुख्यात गुन्हेगार आरीफ डॉनची शहर वासियांच्या मनात असलेली दहशत संपविण्यासाठी आरीफची संपूर्ण शहरभर हातात बेड्या घालून धिंड काढली? कायदा व सुव्यवस्था सगळ्यात मोठी आहे, त्यासमोर आरिफ सारखे स्थानिक गुंड नगण्य आहेत, असा अनुभव शहरवासियांना या कारवाईमुळे आला. कुख्यात गुन्हेगारची शहरभरात निघालेली धिंड ? पाहून नागरिकांनी पोलिसांच्या या धडाकेबाज कारवाईचे कौतुक करत समाधान व्यक्त केले.
यानंतर आरोपी आरीफ याला न्यायालयात हजर केले असता न्यायालयाने त्याची रवानगी पोलीस कोठडीत केली. आरीफचे अंमली पदार्थ तस्करीचे मोठे रॅकेट उघडकीस आणून या मागे असलेल्या आंतरराज्यीय टोळीचे रॅकेट उघडकीस आणण्याचे पोलिसांसमोर एक मोठे आव्हान ठरणार आहे.
