आशाताई बच्छाव
मोकाट सांड/वळू च्या पायातील खिळा काढणे म्हणजे ,वाघाच्या गळ्यात घंटा बांधण्यासारखे होय-अक्षय लोटे मोकाट वळू ची वेदनेतून डॉ. वनवे व पशु सेवकांनी केली सुटका. – . वाशिम गोपाल तिवारी ब्युरो चीफ– कारंजा शहरातील बायपास परिसरात एक मोकाट वळू सांड हा लंगडत लंगडत वेदनांना चालत असलेला काही पशुसेवकांना दिसला. त्याच्या वेदनाचं कारण पाहिलं तर त्याच्या पायामध्ये एक भला मोठा तार खिळा घुसल्याचे लक्षात आले व तो वेदनेने चालत असल्याचे निदर्शनास आले. तेव्हा परिसरातील पशुसेवकांनी त्याला थांबवून तो खिळा काढण्याचा प्रयत्न करून पाहिला, परंतु तो वळू ताकतवान असल्याने त्या पशु सेवकांना कुठल्याच प्रकारे दाद देत नव्हता. अनेक प्रयत्न करून सुद्धा तो वळू आटोक्यात येत नव्हता. शेवटी शहरातील पशुवैद्यकीय अधिकारी श्रीमान डॉक्टर वनवे साहेब व त्यांची टीम यांना पाचारण करण्यात आली.यामध्ये पशु सेवक गोसेवक अक्षय लोटे व ईतर सेवक यांना सुद्धा बोलावण्यात आले,अनेक प्रकारे प्रयत्न करून शेवटी डॉक्टरांच्या सल्ल्यानुसार त्या वळूला गुंगीचे इंजेक्शन मोठ्या शिताफिने देण्यात आले. अर्ध्या तासानंतर त्या वळूला थोडीशी गुंगी आली व तेवढ्यात सर्व पशु सेवकांनी त्याचे पाय बांधून मोठ्या हुशारीने वळूच्या पायातील खिळा काढला. पशुवैद्यकीय डॉ. श्री. वनवे साहेब व श्री आकाश देशमुख व त्याचे मित्र यांनी ताबडतोब इंजेक्शन ड्रेसिंग करून त्या वेदनेतून त्याची सुटका केली. हे सर्व परिश्रम पाहता अक्षय लोटे म्हणाले,”मोकाट वाळूच्या पायातील खिळा काढणे म्हणजे वाघाच्या गळ्यात घंटा बांधण्या सारखेच होय.” या सर्व प्रयत्नांमध्ये बायपास परिसरातील अनेक नागरिक व पशु सेवक यांनी सहकार्य केले यामध्ये परिसरातील केशर जांगिड, चंदूभाऊ तांदूळकर आणि इतर शेतकरी मित्रांनी खूप सहकार्य केले.या गोवंश सेवकामुळेच हे शक्य झाले, पण आपले गोवंश मोकाट सोडू नये, त्यांची देखभाल करावी असे आवाहन करण्यात आले.
