आशाताई बच्छाव
अजित पवारांचे पुण्यात दोन कारभारी; रुपाली ठोंबरेंवर मोठी जबाबदारी
पुणे:ब्युरो चिप उमेश पाटील
दीपक मानकर यांनी दिलेल्या राजीनामा दिल्यानंतर आता त्यांच्या जागी पक्षातील दोन नेत्यांना संधी दिली आहे.आगामी महापालिका निवडणुकीच्या पार्श्वभूमीवर अजित पवार यांच्याकडून पुणे शहर राष्ट्रवादी काँग्रेसच्या नेतृत्वात महत्त्वपूर्ण बदल करण्यात आले आहेत. नवीन शहराध्यक्षाची घोषणा करण्यात आली असून दीपक मानकर यांनी राजीनामा दिल्यानंतर आता त्यांच्या जागी पक्षातील दोन नेत्यांना संधी दिली आहे. आमदार सुनील टिंगरे आणि सुभाष जगताप राष्ट्रवादी काँग्रेसचे दोन नवीन शहराध्यक्ष असणार आहेत.
राष्ट्रवादी काँग्रेसचे आता पुणे शहराला दोन शहराध्यक्ष निवडले आहेत. माजी आमदार सुनील टिंगरे यांच्याकडे पूर्व पुणे शहराची जबाबदारी देण्यात आली आहे. तर सुभाष जगताप यांच्याकडे शहराच्या पश्चिम विभागाची जबाबदारी देण्यात आली आहे.
वडगाव शेरीचे माजी आमदार टिंगरे यांची पूर्वी पुण्याच्या शहाराध्यपदी नियुक्ती करण्यात आली आहे. त्यांच्याकडे कसबा, पुणे कॅन्टोमेंट, हडपसर आणि वडगाव शेरी या विधानसभा मतदारसंघाची जबाबदारी देण्यात आली आहे.
तर माजी सभागृहनेते सुभाष जगताप यांना पश्चिम पुण्याच्या शहराध्यक्षपदी नियुक्त करण्यात आले आहे. त्यांच्याकडे खडकवासला, शिवाजीनगर, कोथरुड आणि पर्वती या चार विधानसभा मतदारसंघाची जबाबदारी देण्यात आलीय.
