बुलडाणा :-मोताळा तालुक्यातील मागील २५ वर्षांपासून होते अतिक्रमण; वन हक्क दावे केले नामंजूर ?

आशाताई बच्छाव

बुलडाणा :-मोताळा तालुक्यातील मागील २५ वर्षांपासून होते अतिक्रमण; वन हक्क दावे केले नामंजूर ?
मोताळा वन विभागाच्या हद्दीतील अतिक्रमण काढण्यासाठी सुरुवात
युवा मराठा न्यूज बुलढाणा जिल्हा ब्युरो चीफ संजय पन्हाळकर
येथील वन विभागाच्या जमिनीवर मागील जवळपास २५ वर्षांपासून केलेले अतिक्रमण वन विभागाच्या वतीने ९ मे पासून काढण्यास सुरुवात करण्यात आली आहे. अतिक्रमण निष्कासित करण्याच्या मोहिमेला सहकार्य करण्याचे आवाहन वन विभागाच्या वतीने करण्यात आले आहे.
बुलडाणा वनविभाग अंतर्गत येत असलेल्या मोताळा वनपरिक्षेत्राच्या हद्दीतील जवळपास ७२० हेक्टर वन जमिनीवर शेती काढून तसेच घरे बनवून अतिक्रमण करण्यात आले होते. त्यामध्ये मोताळा वनपरिक्षेत्राच्या हद्दीतील खैरखेड, कोथळी, रोहिणखेड, दाभा, दादगाव, चिंचखेडनाथ, राजूर, मोहेगाव, सहस्रमुळी, माळेगाव, तरोडा, तारापूर, उबाळखेड, वडनेर भोलजी, गुळभेली या ठिकाणी वनजमिनीव
गुळभेली या ठिकाणी वनजमिनीवर अतिक्रमण करण्यात आले होते. या ठिकाणावरील शेतीचे वन हक्क दावे बुलडाणा जिल्हाधिकारी यांनी नामंजूर केलेले आहे. महाराष्ट्र जमीन महसूल अधिनियम १९६६ अंतर्गत प्राप्त अधिकारानुसार संबंधित अतिक्रमण धारकांच्या अतिक्रमण क्षेत्राबाबत सुनावण्या घेऊन संबंधितांना अतिक्रमित क्षेत्र सोडण्याबाबत नोटीस जारी करण्यात आलेल्या आहेत. त्यानुसार या क्षेत्रावरील अतिक्रमण निष्कासन करण्याची कार्यवाही ९ मे पासून वनविभाग, महसूल विभाग आणि पोलिस प्रशासन यांच्या वतीने संयुक्तपणे सुरू आहे. या कारवाई मध्ये मुख्य वनसंरक्षक अमरावती
ज्योती बॅनर्जी, उपवन संरक्षक सरोज
गवस, सहाय्यक वनसंरक्षक व्ही.एम.
काकडे यांच्या मार्गदर्शनात
वनपरिक्षेत्र अधिकारी प्रादेशीक
किशोर पडोळ यांच्या नेतृत्वात
बुलडाणा विभागाचे सर्व
वनकर्मचारी, अधिकारी सहभागी
झाले असून या कार्यवाहीला
नागरिकांनी सहकार्य करण्याचे
आवाहन वन विभागाच्या वतीने
काढण्यात आलेल्या पत्रकातून
करण्यात येत आहे.